ବୌଦ୍ଧ ଜିଲ୍ଲା କ୍ରିକେଟ ସଙ୍ଘର ନିର୍ବାଚନ: ସଭାପତି ଭାବେ ନିରଞ୍ଜନ ମେହେର ଓ ସଂପାଦକ ଯୁଗଳ କିଶୋର ସାମଲ ନିର୍ବାଚିତ
ବୌଦ୍ଧ,୩୦/୫:- ବୌଦ୍ଧ ଜିଲ୍ଲା କ୍ରିକେଟ ସଙ୍ଘର ବାର୍ଷିକ ସାଧାରଣ ପରିଷଦ ବୈଠକ ଏବଂ ନିର୍ବାଚନ ରବିବାର ଅନୁଷ୍ଠିତ ହୋଇଯାଇଛି । ଏହି ନିର୍ବାଚନରେ ସଙ୍ଘର ସଭାପତି ଭାବେ ନିରଞ୍ଜନ ମେହେର, ଉପ ସଭାପତି ଭାବେ ଲମ୍ବୋଦର ପୁରୋହିତ, ସମ୍ପାଦକ ଭାବେ ଯୁଗଳ କିଶୋର ସାମଲ, ସହ ସମ୍ପାଦକ ଭାବେ ପ୍ରଦୀପ ଦାସ ଏବଂ କୋଷାଧ୍ୟକ୍ଷ ଭାବେ ଭବେଶ କୁମାର ଯୋଶୀ ନିର୍ବାଚିତ ହୋଇଛନ୍ତି । ସେହିପରି ପରିଚାଳନା କମିଟି ସଦସ୍ୟ ଭାବେ ଅଜିତ ଦେହୁରୀ, କମଲ ଦଳେଇ, ଅଜମତ ଖାଁ, ପ୍ରଦୀପ ଡାଙ୍ଗ, ଦିବ୍ୟ ଶଙ୍କର ରାଉତ ଏବଂ ଆଶୁତୋଷ ଦାଶ ନିର୍ବାଚିତ ହୋଇଛନ୍ତି । ନିର୍ବାଚନକୁ ଦିବ୍ୟ ରଞ୍ଜନ ପଟ୍ଟନାୟକ ଏବଂ ପ୍ରଦେଶୀ ବେହେରା ନିର୍ବାଚନ ଅଧିକାରୀ ଭାବେ ପରିଚାଳନା କରିଥିବା ବେଳେ ବୌଦ୍ଧ ପଞ୍ଚାୟତ ମହାବିଦ୍ୟାଳୟର ପୂର୍ବତନ ଅଧ୍ୟକ୍ଷ ପ୍ରଫେସର ଡମ୍ବରୁଧର ଭୋଇ ନିରପେକ୍ଷ ପର୍ଯ୍ୟବେକ୍ଷକ ଭାବେ ଯୋଗ ଦେଇଥିଲେ । ବୌଦ୍ଧ ଜିଲ୍ଲା କ୍ରିକେଟ ସଙ୍ଘ ଓଡିଶା କ୍ରିକେଟ ସଙ୍ଘର ଅନୁବନ୍ଧିତ ସଦସ୍ୟ ହୋଇଥିବା ବେଳେ ସମସ୍ତ ନିର୍ବାଚିତ ସଦସ୍ୟଙ୍କ ତାଲିକା ଓଡିଶା କ୍ରିକେଟ ସଙ୍ଘର ବିହିତ ଅବଗତି ନିମନ୍ତେ ପ୍ରେରଣ କରାଯାଇଛି । ଏହି ନିର୍ବାଚିତ ପରିଷଦ ଆଗାମୀ ୪ ବର୍ଷ ପାଇଁ କାର୍ଯ୍ୟ କରିବ ବୋଲି ଜଣାପଡିଛି । ଏହି ବାର୍ଷିକ ସାଧାରଣ ବୈଠକରେ ୧୦୭ ଜଣ ସଦସ୍ୟ ଯୋଗ ଦେଇଥିଲେ । ସୂଚନାଯୋଗ୍ୟ ଯେ ଗତ ୨୨ ତାରିଖରେ ସଂଘର ସାଧାରଣ ବୈଠକରେ ନିର୍ବାଚନ ଅନୁଷ୍ଠିତ କରିବାପାଇଁ ନିଷ୍ପତ୍ତି ଗ୍ରହଣ କରାଯାଇଥିଲା । କୋଭିଡ କଟକଣା କାରଣରୁ ୨୦୨୦ ଜୁନ୍ ମାସରୁ ନିର୍ବାଚନ ଅନୁଷ୍ଠିତ ହୋଇପାରିନଥିବାବେଳେ ପରବର୍ତ୍ତୀ ସମୟରେ ଆସୋସିଏସନ ନାମରେ ଏକାଧିକ ମାମଲା ରୁଜୁ ହେବା ଫଳରେ ନିର୍ବାଚନ ହୋଇପାରୁନଥିଲା ।
