ଦଶପଲ୍ଲା,୧୨/୬ : – ନୟାଗଡ଼ ଜିଲ୍ଲା ଦଶପଲ୍ଲା ବ୍ଲକ, ଭୋଗବାଡି ଗ୍ରାମପଂଚାୟତର ଆଦିବାସୀ ଅଧ୍ୟୁଷିତ ବୁଲୁଣ୍ଡା ଗ୍ରାମରେ ଚାଲିଥିବା କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି । ଏହି ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବରେ ଦଶପଲ୍ଲା ଅଂଚଳର ବିଶିଷ୍ଟ ସମାଜସେବୀ ଶ୍ରୀହରି ନାୟକ, ବି.ଜେ.ଡି ଉପ ସଭାପତି ପ୍ରଦୋଷ କୁମାର ଜେନା , ଭୋଗବାଡ଼ି ଗ୍ରାମପଂଚାୟତର ସରପଞ୍ଚ ନିର୍ମଳା ସାହୁ , ସମିତି ସଭ୍ୟ ଉପେନ୍ଦ୍ର ମଳିକ ତଥା ଅଗ୍ରଣୀ ଯୁବ ସଂଗଠକ ସନ୍ତୋଷ କୁମାର ପ୍ରଧାନ ଯୋଗ ଦେଇଥିଲେ । ଏହି ଅବସରରେ ଶ୍ରୀ ନାୟକ ଖେଳାଳି ମାନଙ୍କ ମନୋବଳକୁ ଦୃଢ଼ କରି ସ୍ୱାଭିମାନର ସହିତ ଖେଳୁଆଡ଼୍ ମନୋବୃତ୍ତି ରଖି ସମସ୍ତ କାର୍ଯ୍ୟ କଲେ ସଫଳତା ନିଶ୍ଚୟ ପ୍ରାପ୍ତ ହେବ ବୋଲି କହିଥିଲେ ।
