କିଆକଟା : ଅନୁଗୋଳ ଜିଲ୍ଲା ଆଠମଲ୍ଲିକ ବ୍ଲକ ଅନ୍ତର୍ଗତ କିଆକଟା ପଞ୍ଚାୟତରେ ମଙ୍ଗଳବାର ଝଡତୋଫାନ ଓ ବର୍ଷା ହୋଇଛି । ଏହାଦ୍ୱାରା ଅଂଚଳରେ ବ୍ୟାପକ କ୍ଷୟକ୍ଷତି ହୋଇଥିବା ଜଣାପଡିଛି । କିଆକଟା ପଞ୍ଚାୟତର କିଆକଟା, କାଦପଡା, ବାଙ୍କପାଳ, ନୂଆପଡା, ନାଏକପଡା, ଶଙ୍ଖାମାଳ ଆଦି ଗ୍ରାମରେ ବ୍ୟାପକ କ୍ଷୟକ୍ଷତି ହୋଇଛି ।
ଅନେକ ଘରର ଚାଳ ପବନରେ ଉଡିଯିବା ସହ ବର୍ଷା ଯୋଗୁଁ ଘରର ସମସ୍ତ ଆସବାବପତ୍ର ଓ ଖାଦ୍ୟ ସାମଗ୍ରୀ ନଷ୍ଟ ହୋଇଯାଇଥିବା ଦେଖିବାକୁ ମିଳିଛି । ଝଡତୋଫାନରେ କ୍ଷତିଗ୍ରସ୍ତ ଅଂଚଳରେ ତଦନ୍ତ କରି କ୍ଷତିଗ୍ରସ୍ତ ଲୋକଙ୍କୁ ସରକାରୀ ସହାୟତା ଯୋଗାଇ ଦେବାକୁ ଦାବି ହେଉଛି ।
ସେହିପରି ବିଦ୍ୟୁତ ବିଭାଗର ଅନେକ କ୍ଷତି ହୋଇଛି । ଅନେକ ସ୍ଥାନରେ ବିଦ୍ୟୁତ ତାରଗୁଡିକ ଛିଣ୍ଡି ପଡିଥିବା ବେଳେ ଝଡ ପରେ କିଆକଟା ଅଂଚଳରେ ବିଦ୍ୟୁତ ସରବରାହ ବନ୍ଦ ରହିଥିବା ଦେଖିବାକୁ ମିଳିଛି ।
