ବୌଦ୍ଧ : ପଶ୍ଚିମବଙ୍ଗକୁ ଅମ୍ଫନ ସମୟରେ ଯାଇ ଉଦ୍ଧାର କାର୍ଯ୍ୟରେ ନିୟୋଜିତ ଥିବା ପଞ୍ଚମ ଇଣ୍ଡିଆନ ରିଜର୍ଭ ବାଟାଲିୟନ ବୌଦ୍ଧ(ବଲାସିଙ୍ଗ)ର ଓଡ୍ରାଫ୍ ଟିମ୍ ରିଲିଫ ଓ ଉଦ୍ଧାର କାମ ସାରି ଫେରି ଆସିଛନ୍ତି । ପଶ୍ଚିମବଙ୍ଗ ରାଜ୍ୟରେ ସାମୁଦ୍ରିକ ବାତ୍ୟା ତାର ତାଣ୍ଡବ ଲୀଳା ରଚିଥିଲା । ଅନେକ ଘରଦ୍ୱାର ଭାଙ୍ଗିଯିବା ସହ ରାସ୍ତାବାଟରେ ଅନେକ ଗଛ ଭାଙ୍ଗି ରାସ୍ତା ଅବରୋଧ ହୋଇଥିଲା ।
୫ମ ଆଇଆରବି ବାଟାଲିୟମ ବୌଦ୍ଧର ଓଡ୍ରାଫ୍ ଟିମ ସେ ଅଂଚଳରେ ନିୟୋଜିତ ହୋଇ ପୁନରୁଦ୍ଧାର କାର୍ଯ୍ୟରେ ପ୍ରଶଂସନୀୟ କାମ କରିଆସିଅଛି । ରାସ୍ତାରୁ ଗଛ ହଟାଇବା, ବାତ୍ୟା ପ୍ରପୀଡିତମାନଙ୍କୁ ଉଦ୍ଧାର କରିବା ଆଜି କାର୍ଯ୍ୟରେ ଉତ୍ସର୍ଗୀକୃତ କାମକରି ୫ମ ଆଇଆରବି ବାଟାଲିୟନ ଓଡ୍ରାଫ୍ ଟିମ୍ ବୌଦ୍ଧ ପାଇଁ ଗୌରବ ଆଣି ଦେଇଛି । ଓଡ୍ରାଫ୍ ଟିମର ଏହି କାର୍ଯ୍ୟକୁ ପଶ୍ଚିମବଙ୍ଗ ସରକାର ଓ ଜନସାଧାରଣ ଉଚ୍ଚ ପ୍ରଶଂସା କରିଛନ୍ତି .
