ଭୁବନେଶ୍ୱର ୨୨ ।୭: ରାଜ୍ୟରେ କରୋନା ମହାମାରୀ ନିଜର କାୟାକୁ ବଢାଇ ଚାଲିଥିବା ବେଳେ ଗଞ୍ଜାମ ଜିଲ୍ଲା ପରେ ଖୋରଧା ଜିଲ୍ଲା ତଥା ରାଜଧାନୀ ଭୁବନେଶ୍ୱରରେ କରୋନା ସ୍ଥିତି ଜଟିଳ ହେଉଛି । ଆଜି ସର୍ବାଧିକ ୯୧କରୋନା ଆକ୍ରାନ୍ତ ଚିହ୍ନଟ ହୋଇଥିବା ବିଏମ୍ସି ପକ୍ଷରୁ ସୂଚନା ଦିଆଯାଇଛି । ଏଥିରୁ କ୍ୱାରେଣ୍ଟାଇନ ସେଣ୍ଟରରୁ ୭୨ ଓ ଲୋକାଲ କଣ୍ଟାକ୍ଟ ୧୯ଜଣ ଚିହ୍ନଟ ହୋଇଛନ୍ତି । ଏଥିରେ ମଞ୍ଚେଶ୍ୱର ଅଂଚଳର ଗୋଟିଏ ଖାଦ୍ୟ କାରଖାନାର ୨୬ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଆଇଆରସି ଭିଲେଜ, ଲକ୍ଷ୍ମୀସାଗର, ଚନ୍ଦ୍ରଶେଖରପୁର, ଖଣ୍ଡଗିରି, କୋଲଥିଆ, ପାତ୍ରପଡା, ପାଣ୍ଡରା, ସହିଦନଗର ଇପିଏଫ୍ କଲୋନୀ,ଶୈଳେଶ୍ରୀବିହାର, ଖାରବେଳନଗର, ବରମୁଣ୍ଡା ଶତାଦ୍ଦୀନଗର, ପୋଖରୀପୁଟ ଓ ଝାରପଡାରୁ ଯଥାକ୍ରମେ ଜଣେ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ଆଇଆରସି ଭିଲେଜ ଗଣପତି ବସ୍ତିରୁ ୧୪ଜଣ, ରାଜମହଲ ଛକ ସ୍ଥିତ ଏକ ନିର୍ମାଣଧୀନ ସଂସ୍ଥାରୁ ୯ଜଣ, ତ୍ରିନାଥ ବସ୍ତରୁ ୩ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି ।
