ଜହ୍ନାପଙ୍କ : ବୃଦ୍ଧ ବୟସରେ ଲମ୍ବମାପି ମହାପ୍ରଭୁ ଶ୍ରୀଜଗନ୍ନାଥଙ୍କ ଦର୍ଶନ ପାଇଁ ଯାଉଛନ୍ତି ରାଜସ୍ଥାନର ୪ଜଣ ଶ୍ରଦ୍ଧାଳୁ । ରାଜସ୍ଥାନ ରାଜ୍ୟ କେରଲି ଜିଲ୍ଲାର ଭକ୍ତରାମ ସିଂ(୬୯), ଜୟ ସିଂ(୬୮), ବଟୁ ଲାଲ(୬୭) ଓ ହରମନ ସିଂ(୬୯) ନଭେମ୍ବର ୩ ତାରିଖରୁ ପୁରୀ ବାହାରିଛନ୍ତି । ସେମାନେ ମହାରାଷ୍ଟ୍ର, ଛତିଶଗଡ ଦେଇ ଓଡିଶାରେ ପହଞ୍ଚିଛନ୍ତି । ଆଜି ସେମାନେ ବୌଦ୍ଧ ଜିଲ୍ଲା ଜହ୍ନାପଙ୍କରେ ପହଞ୍ଚିଛନ୍ତି ।
ସେଥିରୁ ଜଣେ ଏକ ସ୍ପଞ୍ଜ ର ପ୍ଲେଟ ପକାଇ ତା ଉପରେ ଶୋଇ ଗୋଟିଏ ଛୋଟ ପଥର ଆଗକୁ ଫିଙ୍ଗୁଛନ୍ତି । ଏମିତି କରି ସେ ଆଗକୁ ଆଗକୁ ବଢୁଥିବାବେଳେ ଆଉ ତିନିଜଣ ସାଇକେଲରେ ଜିନିଷପତ୍ର ଧରି ଗଡେଇ ଗଡେଇ ଯାଉଛନ୍ତି । ଏହି ନିଆରା ଦୃଶ୍ୟ ଦେଖିବାକୁ ରାସ୍ତାରେ ଯାଉଥିବା ଲୋକ ଅଟକି ଯାଉଛନ୍ତି ।
