ବୌଦ୍ଧ, ୨୩/୭ – ବୌଦ୍ଧ ଜିଲ୍ଲାପାଳଙ୍କ କାର୍ଯ୍ୟାଳୟର ଉପ ଜିଲ୍ଲାପାଳ ଭାବେ ଅଶ୍ୱିନୀ କୁମାର ମେହେର ଆଜି ଦାୟିତ୍ୱ ଗ୍ରହଣ କରିଛନ୍ତି । ଓଡିଶା ପ୍ରଶାସନିକ ସେବାର ବରିଷ୍ଠ ଅଧିକାରୀ ଶ୍ରୀ ମେହେର ରାଜ୍ୟ କ୍ରୀଡା ଓ ଯୁବ ସେବା ବ୍ୟାପାର ବିଭାଗର ଉପ ସଚିବ ଭାବେ କାର୍ଯ୍ୟ କରୁଥିଲେ । ତାହା ପୁର୍ବରୁ ସେ ବୌଦ୍ଧ ପଂଚାୟତ ସମିତିରେ ଗୋଷ୍ଠୀ ଉନ୍ନୟନ ଅଧିକାରୀ ଭାବରେ କାର୍ଯ୍ୟ କରୁଥିଲେ । ଶ୍ରୀ ମେହେର ଜଣେ ଦକ୍ଷ ଓ ଲୋକପ୍ରିୟ ଅଧିକାରୀ ଭାବରେ ଜିଲ୍ଲାରେ ବେଶ୍ ପରିଚିତ ଥିଲେ । ଉପ ଜିଲ୍ଲାପାଳ ଭାବେ ନୂତନ ଦାୟିତ୍ୱ ଗ୍ରହଣ କଲା ପରେ ଜିଲ୍ଲାବାସୀ ତାଙ୍କଠାରୁ ଅନେକ କିଛି ଆଶା ରଖିଛନ୍ତି ।
