ସମ୍ବଲପୁର:ଆଜି ଚିହ୍ନଟ ହୋଇଥିବା ୧୩ଜଣ ପଜିଟିଭ ଙ୍କ ସହିତ ସମ୍ବଲପୁର ଜିଲ୍ଲାରେ କରୋନା ସ°କ୍ରମିତ ଙ୍କ ମୋଟ ସଂଖ୍ୟା ୨୪୭ରେ ପହଞ୍ଚିଛି । ଏମାନଙ୍କ ମଧ୍ୟରୁ ୧୧୯ଜଣ ସୁସ୍ଥ ହୋଇ ଘରକୁ ଫେରିବା ପରେ ବାକି ୧୨୮ ଜଣ ସକ୍ରିୟ ରହିଛନ୍ତି ଓ କୋଭିଡ ହସ୍ପିଟାଲରରେ ସେମାନଙ୍କ ଚିକିତ୍ସା ଚାଲିଛି । ଗତ ଚାରିଦିନ ଧରି ଜିଲ୍ଲାରେ କରୋନା ସ°କ୍ରମିତଙ୍କ ସ°ଖ୍ଯା ପ୍ରତିଦିନ ୨୦ରୁ ୨୫ ପର୍ଯ୍ୟନ୍ତ ରହୁଥିବା ବେଳେ ଆଜି ସ୍ଥିତି ରେ ସାମାନ୍ୟ ଉନ୍ନତି ପରିଲକ୍ଷିତ ହୋଇଛି ଓ ଏହା ୧୩କୁ ଖସି ଆସିଛି । ଏଥିପାଇଁ ବିଗତ ତିନିଦିନ ହେଲା ଘୋଷିତ ସଟଡାଉନକୁ କିଛିକାଂଶରେ ଶ୍ରେୟ ଦିଆଯାଇ ପାରେ । ଅବଶ୍ୟ କିଛି ଅମାନିଆ ଙ୍କ ପାଇଁ ଏସବୁ ନିରର୍ଥକ ହୋଇ ରହିଛି ଓ ସେମାନେ ରାସ୍ତାଘାଟ ରେ ମୁତୟନ ପୁଲିସ କୁ ଚକମା ଦେଇ ସେମାନଙ୍କ ଅକାରଣେ ଏଣେତେଣେ ବୁଲିବା ଅବ୍ୟାହତ ରଖିଛନ୍ତି । ଗତକାଲି ର ଗୁଜବ ପ୍ରଚାର ଯୋଗୁଁ ବୋଧହୁଏ କିଛି ଅମାନିଆ ଙ୍କ ମନରେ ଚେତା ପଶିଛି, ଯେଉଁଥି ପାଇଁ ଆଜି ସେମାନଙ୍କ ପ୍ରାଦୁର୍ଭାବ ଯଥେଷ୍ଟ କମ ଦେଖାଯାଇଛି । ତଥାପି ଆଜି ନଗରର ମୁଖ୍ୟ ପେଣ୍ଠସ୍ଥଳୀ ଗୋଲବଜାର ଛକରେ କିଛି ଅମାନିଆ ଯୁବକ ରାସ୍ତାକଡ଼ରେ ବସି ଗପଶପ କରୁଥିଲେ ଓ ଆଶ୍ଚର୍ଯ୍ୟର କଥା ସେଠାରେ ପୁଲିସ ର ଦେଖା ଦର୍ଶନ ମଧ୍ୟ ନଥିଲା । ସେହି ନିକଟରେ ପୂର୍ବ ଦିନ ମାନଙ୍କ ପରି ଆଜି ମଧ୍ୟ ଫ୍ଲାଇଓଭର ର ନିର୍ମାଣ କାର୍ଯ୍ୟ ଅବ୍ୟାହତ ରହିଥିଲା ।
