ଭୁବନେଶ୍ୱର: ରାଜ୍ୟର ଆଉ ଜଣେ ବିଧାୟକ କରୋନାରେ ଆକ୍ରାନ୍ତ ହୋଇଥିବା ଖବର ମିଳିଛି । ଗଞ୍ଜାମ ଜିଲ୍ଲା ପୋଲସରା ବିଧାୟକ ଶ୍ରୀକାନ୍ତ ସାହୁ କରୋନାରେ ଆକ୍ରାନ୍ତ ହୋଇଛନ୍ତି । ତାଙ୍କର ପତ୍ନୀ ମଧ୍ୟ କରୋନା ଆକ୍ରାନ୍ତ ଭାବେ ଚିହ୍ନଟ ହୋଇଛନ୍ତି । ଶ୍ରୀକାନ୍ତଙ୍କୁ ମିଶାଇ ରାଜ୍ୟରେ ପୂର୍ବରୁ ୪ଜଣ ବିଧାୟକ କରୋନା ଆକ୍ରାନ୍ତ ହେଲେଣି । ସାଲେପୁର ବିଧାୟକ ପ୍ରଶାନ୍ତ ବେହେରା, ନୀଳିଗିରି ବିଧାୟକ ସୁକାନ୍ତ ନାୟକ, ରେମୁଣା ବିଧାୟକ ସୁଧାଂଶୁ ଶେଖର ପରିଡା କରୋନା ଆକ୍ରାନ୍ତ ହୋଇଥିଲେ । ତେବେ ଇତିମଧ୍ୟରେ ଏହି ୩ ବିଧାୟକ କରୋନାରୁ ମୁକ୍ତ ହୋଇଛନ୍ତି । ପୋଲସରା ବିଧାୟକଙ୍କ କଣ୍ଟାକ୍ଟ ଟ୍ରେସିଂ ଏବେ ଆରମ୍ଭ କରାଯାଇଛି ।
