ଭୁବନେଶ୍ୱର,୨୫/୭ – ଆଜି ରାଜ୍ୟରେ ୨୪ ଜିଲ୍ଲାରୁ ୧୩୨୦ କରୋନା ପଜିଟିଭ ଚିହ୍ନଟ ହୋଇଛି । ସେଥିମଧ୍ୟରୁ କ୍ୱାରେଣ୍ଟାଇନରୁ ୮୮୭ ଓ ସ୍ଥାନୀୟ ସଂକ୍ରମଣ ୪୩୩ । ଫଳରେ ମୋଟ ଆକ୍ରାନ୍ତଙ୍କ ସଂଖ୍ୟା ରାଜ୍ୟରେ ୨୪୦୧୩ରେ ପହଞ୍ଚିଥିବାବେଳେ ସେମାନଙ୍କ ମଧ୍ୟରୁ ୧୫,୨୦୦ ସୁସ୍ଥ ହୋଇଛନ୍ତି । ୮୬୫୦ ଏବେବି କରୋନା ସକ୍ରିୟ ରୋଗୀ ଅଛନ୍ତି । ଆଜି ରାଜ୍ୟରେ ୧୦ଜଣ କରୋନା ରୋଗୀଙ୍କ ମୃତ୍ୟୁ ଘଟିଛି ଫଳରେ ରାଜ୍ୟରେ କରୋନା ମୃତ୍ୟୁସଂଖ୍ୟା ୧୩୦ରେ ପହଞ୍ଚିଛି । ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗର ସୂଚନା ଅନୁଯାୟୀ ନୂଆ ଆକ୍ରାନ୍ତଙ୍କ ମଧ୍ୟରେ ଅନୁଗୁଳ ୬, ବାଲେଶ୍ୱର ୨୩, ବରଗଡ ୧୪, ଭଦ୍ରକ ୨୮, ବଲାଙ୍ଗୀର ୯, କଟକ ୪୭,ଦେବଗଡ ଗୋଟିଏ, ଗଜପତି ୯୦, ଗଞ୍ଜାମ ୫୬୦, ଜଗତସିଂହପୁର ୩, ଯାଜପୁର ୨୩, ଝାରସୁଗୁଡା ୨, କଳାହାଣ୍ଡି, କେନ୍ଦ୍ରାପଡା ଓ ସୋନପୁରରୁ ଜଣେ ଲେଖାଏଁ, କନ୍ଧମାଳ ୩୯, କେଉଁଝର ୨୪, ଖୋର୍ଦ୍ଧା ୧୭୪, କୋରାପୁଟ ୩୦, ନୟାଗଡ ୩୮, ନୂଆପଡା ୪, ପୁରୀ ୯୦, ରାୟଗଡା ୬୫, ସୁନ୍ଦରଗଡରୁ ୪୭ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି ।
