ଦାରିଙ୍ଗବାଡି ,୨୫/୭ : ଦାରିଙ୍ଗବାଡି ଥାନା ଅନ୍ତର୍ଗତ ଡୁଲୁରି ପାଇନ ଜଙ୍ଗଲ ପାଖରେ ଥିବା କଲଭର୍ଟ ନିକଟରେ ଏକ ବାଇକ ଦୁର୍ଘଟଣା ରେ ୨ଜଣ ଆହତ ହୋଇଥିବା ବେଳେ ଜଣେ ଗୁରୁତର ଆହତ ହୋଇଥିବା ଜଣାପଡିଛି । ସ୍ଥାନୀୟ ଲୋକଙ୍କ ସହାୟତାରେ ପ୍ରଥମେ ତାଙ୍କୁ ଦାରିଙ୍ଗବାଡି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତିକରାଯାଇଥିବା ବେଳେ ଗୁରୁତର ଅବସ୍ଥାରେ ବ୍ରହ୍ମପୁର ସ୍ଥାନାନ୍ତର କରାଯାଇଛି ।ଆହତ ଜଣକ ହେଲେ ଗଜପତି ଜିଲ୍ଲା ମୋହନା ବ୍ଲକ ବାଲିଗଣ୍ଡା ଗ୍ରାମର ହେମନ୍ତ ପାଟମାଝୀ ସୂଚନାପ୍ରକାରେ ହେମନ୍ତଙ୍କ ପୁତୁରା ସୁନାମ ପାଟମାଝୀ ରାଜ୍ୟ ବାହାରୁ ଆସି ଦାରିଙ୍ଗବାଡିର ଏକ କ୍ବାରେଣ୍ଟାଇନ ସେଣ୍ଟର ରେ ରହିଥିଲେ । ସୁନାମଙ୍କ କ୍ବାରେଣ୍ଟାଇନ ରେ ରହିବା ଅବଧି ସରିବା ଯୋଗୁଁ ଦାଦା ହେମନ୍ତ ତାଙ୍କୁ ଘରକୁ ନେବା ପାଇଁ ଦାରିଇ ଙ୍ଗବାଡି ଆସିଥିଲେ । ତେବେ ଦାରିଙ୍ଗବାଡିରୁ ବାହାରିଥିଲେ ହେଲେ ଡୁଲୁରି କଲଭର୍ଟ ବୁଲାଣି ଠାରେ ଭାରସାମ୍ୟ ହରାଇ ବାଇକ ଟି ଏକ ଗଛ ଦେହରେ ପିଟି ହୋଇଯାଇଥିଲା । ଯାହାଫଳରେ ହେମନ୍ତ ଗୁରୁତର ଆହତ ହୋଇଥିବା ବେଳେ ସୁନାମ ସାମାନ୍ୟ ଆହତ ହୋଇଥିଲେ । ସୂଚନା ପ୍ରକାରେ ସେହି ବୁଲାଣିରେ ଗତ ୨୧ ତାରିଖରେ ମଧ୍ୟ ଅନୁରୂପ ଭାବେ ଏକ ବାଇକ ଦୁର୍ଘଟଣା ଘଟିଥିବା ବେଳେ ଘୁ ଉଦୟଗିରି ର ମନମୋହନ ନାୟକ ନାମକ ଜଣେ ବ୍ୟକ୍ତି ଗୁରୁତର ଆହତ ହୋଇଥିବା ବେଳେ ଗୁରୁତର ଅବସ୍ଥାରେ ଫୁଲବାଣୀ ଜିଲ୍ଲା ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିବା ବେଳେ ଚିକିତ୍ସାଧୀନ ଅବସ୍ଥାରେ ୨୨ତାରିଖରେ ସେଠାରେ ତାଙ୍କର ମୃତ୍ୟୁ ଘଟିଥିଲା । ଉକ୍ତ ବୁଲାଣି ଠାରେ ପ୍ରତିଦିନ ଛୋଟ ମୋଟ ଦୁର୍ଘଟଣା ଘଟି ବହୁ ଜୀବନ ଚାଲି ଯାଉଥିବା ଅଞ୍ଚଳବାସୀ ମାନେ ପ୍ରକାଶ କରିଛନ୍ତି । ତେଣୁ ସେହି ସ୍ଥାନରେ ପ୍ରଶାସନ ତରଫରୁ ପ୍ରତିକାର ବ୍ୟବସ୍ଥା ଗ୍ରହଣ କରିବା ପାଇଁ ଦାବି ହୋଇଛି ।
