ବୌଦ୍ଧ,୨୬/୭ – ପୂର୍ବରୁ ଜିଲାରେ ୧୨୩ ଜଣ କରୋନା ପଜିଟିଭ ଚିହ୍ନଟ ହୋଇଥିବାବେଳେ ଆଜି ପୁଣି ୮ ଜଣ କରୋନା ପଜିଟିଭ ଚିହ୍ନଟ ହୋଇଥିବା ରାଜ୍ୟ ସୂଚନା ଓ ଲୋକସମ୍ପର୍କ ବିଭାଗ ପକ୍ଷରୁ ସୂଚନା ମିଳିଛି । ବୌଦ୍ଧଜିଲ୍ଲାରେ ଆଜି ଯେଉଁ ୮ ଆକ୍ରାନ୍ତ ଚିହ୍ନଟ ହୋଇଛନ୍ତି ସେମାନଙ୍କ ମଧ୍ୟରେ ବୌଦ୍ଧ ସହର ନିକଟ ଜଗଦୀଶପୁର୍ ଗ୍ରାମରୁ ୪ ଜଣ, ଗୋଛାପଡା ଗ୍ରାମରୁ ଜଣେ, ସହରରୁ ଜଣେ ଓ ଅନ୍ୟ ଦୁଇ ଜଣ ସ୍ୱାସ୍ଥ୍ୟ ବିଭାଗର କର୍ମଚାରୀ ବୋଲି ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନ ସୂଚନା ଦେଇଛନ୍ତି । ପୁର୍ବରୁ ଆଣ୍ଟିଜେନ ଟେଷ୍ଟରେ ସେମାନଙ୍କ ଦେହରେ କରୋନା ପଜିଟିଭ ଚିହ୍ନଟ ହୋଇଥିବାବେଳେ ସ୍ୱାବରେ ମଧ୍ୟ ସମାନ ରିପୋର୍ଟ ଆସିଥିବା ଜଣାପଡିଛି । ଗତକାଲି ପୁର୍ବରୁ ଚିକିତ୍ସାଧୀନ ଥିବା ଦୁଇ ଜଣ ପଜିଟିଭ ସୁସ୍ଥ ହୋଇ ଘରକୁ ଯାଇଥିବା ଡାକ୍ତର ଶ୍ରୀ ସାହୁ ସୂଚନା ଦେଇଛନ୍ତି ।
