ସୋନପୁର :ଗତ କିଛିଦିନ ତଳେ ସହରର ୱ ।ର୍ଡ଼ ନଂ ୧୦ ଅନ୍ତର୍ଗତ ମାଣିକେଶ୍ୱରୀ ପ୍ଲଟ ଅଞ୍ଚଳରେ ପ୍ରଥମ କରୋନା ସଂକ୍ରମିତ ଜଣାପଡିବାପରେ ଆଜି ପୁଣି ଉକ୍ତ ୱ ।ର୍ଡ଼ ର ପଟାଭାଡି ସନ୍ନିକଟସ୍ଥ ଠାକୁରାଣୀ ପଡାଠାରେ ଜଣଙ୍କ ରିପୋର୍ଟ ପଜିଟିଭ ଆସିଛି । ମଙ୍ଗଳବାର ଚିହ୍ନଟ ହୋଇଥିବା ଆକ୍ରାନ୍ତ ଜଣକ ଜଣେ ୩୮ବର୍ଷିୟ ଯୁବକ ଓ ସେ ଜଣେ ସୁରକ୍ଷା କର୍ମୀ ଭାବରେ ସହରର ଏକ ବିଦ୍ୟାଳୟ ରେ କାର୍ଯ୍ୟ କରୁଥିବା ସୂଚନା ମିଳିଛି । ଦିନକୁ ଦିନ ସହରରେ ଆକ୍ରାନ୍ତଙ୍କ ସଂଖ୍ୟାରେ ବୃଦ୍ଧି ଘଟୁଥିବା ହେତୁ ଓ ସଂକ୍ରମିତ ଥିବା ଅଞ୍ଚଳ ଜନବହୁଳତା ଥିବାରୁ ସହରବାସୀଙ୍କ ମନରେ ଆଶଙ୍କା ଓ ଆତଙ୍କର ବାତାବରଣ ସୃଷ୍ଟି ହୋଇଛି । ସଂକ୍ରମଣକୁ ରୋକିବା ପାଇଁ ଉକ୍ତ ଯୁବକ କାହାକାହାର ସଂପର୍କରେ ଆସିଛନ୍ତି ସେ ସଂପର୍କରେ ବ୍ୟାପକ ଅନୁସଂଧାନ ଚାଲିଛି ବୋଲି ସ୍ୱାସ୍ଥ୍ୟ ବିଭାଗ ସୁତ୍ରରୁ ସୂଚନା ମିଳିଛି । ଜିଲ୍ଲା ପ୍ରଶାସନ ପକ୍ଷରୁ ଉକ୍ତ ଅଞ୍ଚଳକୁ କଣ୍ଟେନମେଣ୍ଟ ଜୋନ ଘୋଷଣା କରାଯାଇ ଉକ୍ତ ଅଞ୍ଚଳରେ ଯାନବାହାନ ଚଳାଚଳ ଦୋକାନ ବଜାର ସହ ଲୋକମାନଙ୍କ ଯାତାୟାତକୁ ସଂପୂର୍ଣ୍ଣ ବନ୍ଦ କରାଯାଇଛି । ଅଞ୍ଚଳର ଅଧିବାସୀଙ୍କ ପାଇଁ ସମସ୍ତ ଅତ୍ୟାବଶ୍ୟକୀୟ ସାମଗ୍ରୀ ଯୋଗାଇ ଦିଆଯିବାକୁ ପ୍ରଶାସନ ତରଫରୁ ବ୍ୟବସ୍ଥା କରାଯାଇଛି ବୋଲି ପୌର ନିର୍ବାହୀ ଅଧିକାରୀ ସୂର୍ଯ୍ୟାଂଶୁ ରୁତ୍ ସୂଚନା ଦେଇଛନ୍ତି ।
