ମୁମ୍ବାଇ, ୨/୩: ଡ୍ରଗ୍ସ ଲିଙ୍କ ମାମଲାରେ ଅଭିନେତା ଶାହରୁଖ ଖାନଙ୍କ ପୁଅ ଆର୍ଯ୍ୟନ୍ ଖାନଙ୍କୁ ମିଳିଛି କ୍ଲିନ ଚିଟ୍! ଜାତୀୟ ଗଣମାଧ୍ୟମରେ ଏଭଳି ଏକ ଖବର ଏବେ ଆସିଛି । ମାମଲାର ତଦନ୍ତ କରୁଥିବା ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋର ସ୍ୱତନ୍ତ୍ର ତଦନ୍ତକାରୀ ଟିମ୍କୁ ଆର୍ଯ୍ୟନଙ୍କ ବିରୁଦ୍ଧରେ କୌଣସି ପ୍ରମାଣ ମିଳିନଥିବା ଏକ ଜାତୀୟ ଗଣମାଧ୍ୟମରେ ଖବର ପ୍ରକାଶ ପାଇଛି । ଆର୍ଯ୍ୟନ୍ଙ୍କ ଡ୍ରଗ୍ସ ମାମଲାରେ ଇଣ୍ଟରନ୍ୟାସନାଲ୍ ଲିଙ୍କକୁ ନେଇ ହେଉଥିବା ତଦନ୍ତ ବାବଦରେ ମଧ୍ୟ ବୟାନ ରଖିଛି ଏସ୍ଆଇଟି । ମାମଲାକୁ ନେଇ ଏସଆଇଟି ମୁଖ୍ୟ ସଞ୍ଜୟ ସିଂହ କହିଛନ୍ତି, ଆର୍ଯ୍ୟନ୍ଙ୍କ ଇଣ୍ଟରନ୍ୟାସନାଲ୍? ଡ୍ରଗ୍ସ ଲିଙ୍କ ଥିବା ନେଇ ସିଧାସଳଖ ଭାବେ କୌଣସି ପ୍ରମାଣ ମିଳିନାହିଁ । ତା ସହିତ ଅନ୍ତରାଷ୍ଟ୍ରୀୟ ସ୍ତରରେ ବଡ ଡ୍ରଗ୍ସ ସିଣ୍ଡିକେଟ୍ର ଅଂଶ କି ନୁହେଁ ତାହାର ସିଧାସଳଖ ପ୍ରମାଣ ବି ନାହିଁ । କେବଳ ସେତିକି ନୁହେଁ ଆର୍ଯ୍ୟନ ଖାନ ନିକଟରୁ ଡ୍ରଗ୍ସ ମିଳିଛି କି ନାହିଁ ସେ ନେଇ ମଧ୍ୟ କୌଣସି ପ୍ରମାଣ ନାହିଁ । ତେଣୁ କେବଳ ହ୍ୱାଟ୍ସଆପ୍ ଚାଟରୁ ହିଁ କାହାକୁ ଦୋଷୀ କରାଯାଇପାରିବ ନାହିଁ ବୋଲି ସେ କହିଛନ୍ତି ।
