ଚେନ୍ନାଇ :

ବୁଧବାର ସକାଳେ ତାମିଲନାଡୁର କୁନ୍ନରରେ ଏକ ସେନା ହେଲିକପ୍ଟର ଦୁର୍ଘଟଣା ଘଟିଛି। ପତ୍ନୀ ମଦୁଲିକା ରାୱତଙ୍କ ସହ ଏହି ଚପରରେ ଡିଫେନ୍ସ ଷ୍ଟାଫ୍‌ ବିପିନ୍‌ ରାୱତ ମଧ୍ୟ ଉପସ୍ଥିତ ଥିଲେ । ହେଲିକପ୍ଟରର ଥିବା ସେନାଙ୍କୁ ଉଦ୍ଧାର କରିବା ପାଇଁ ଅପରେସନ ଚାଲିଛି । ଦୁର୍ଘଟଣାର କାରଣ ଜାଣିବା ପାଇଁ ତଦନ୍ତ ନିର୍ଦ୍ଦେଶ ଦିଆଯାଇଛି ବୋଲି ବାୟୁସେନା ପକ୍ଷରୁ କୁହାଯାଇଛି ।

ଏହି ସମୟରେ ଚେନ୍ନାଇର ପ୍ରତିରକ୍ଷା ସୂତ୍ରରୁ ପ୍ରକାଶ ଯେ ଏହି ଦୁର୍ଘଟଣାରେ ୪ ଜଣ ଅଧିକାରୀ ସହିଦ ହୋଇଛନ୍ତି । ଏହା ବ୍ୟତୀତ ଅନ୍ୟ ତିନିଜଣଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଛି । ଅନ୍ୟ ସାତଜଣଙ୍କ କୌଣସି ଖବର ସୂଚନା ମିଳିପାରିନାହିଁ ।ବର୍ତ୍ତମାନ, ସିଡିଏସ୍‌ ବିପିନ ରାୱତ ଏବଂ ତାଙ୍କ ପତ୍ନୀଙ୍କ ଅବସ୍ଥା ସମ୍ପର୍କରେ ସେନା ପକ୍ଷରୁ କୌଣସି ସୂଚନା ଦିଆଯାଇନାହିଁ ।