ନୂଆଦିଲ୍ଲୀ : ଦିଲ୍ଲୀରେ ବାରବାର ସରକାର କରିବାରେ ସଫଳ ହୋଇଥିବା ଆମ ଆଦମୀ ପାର୍ଟି ଏବେ ପଞ୍ଜାବରେ ସରକାର ଗଢ଼ିବାକୁ ଯାଉଛି । ଫଳରେ ଆପର ଆତ୍ମବିଶ୍ୱାସ ସ୍ୱାଭାବିକ ଭାବେ ବଢ଼ିଯାଇଛି । ଆଗକୁ ମୋଦିଜୀଙ୍କ ସ୍ଥାନ କେଜ୍ରିୱାଲ ନେବେ ବୋଲି ଆପ ପକ୍ଷରୁ କୁହାଯାଇଛି ।
ଆପ ମୁଖପାତ୍ର ରାଘବ ଚଢ଼ା କହିଛନ୍ତିଯେ, ଦିଲ୍ଲୀ ଓ ପଞ୍ଜାବ ଦଖଲ ପରେ ଆମ ଆଦମୀ ପାର୍ଟି ରାଷ୍ଟ୍ରୀୟସ୍ତରରେ ଏକ ପ୍ରମୁଖ ସ୍ଥାନ ଦଖଲ କରିଛି । ଆଗାମୀ ଦିନରେ ମୋଦିଜୀଙ୍କ ସ୍ଥାନ କେଜ୍ରିୱାଲ ନେବେ ବୋଲି ସେ ଆଶା ପ୍ରକାଶ କରିଛନ୍ତି । କେଜ୍ରିୱାଲ ଦେଶର ଶାସନ ଭାର ସମ୍ଭାଳନ୍ତୁ ବୋଲି ସେ ଚାହୁଁଥିବା ନେଇ ରାଘବ କହିଛନ୍ତି ।
ଦିଲ୍ଲୀରେ ବିଜେପିକୁ ମାତ ଦେବା ପରେ ଏବେ ପଞ୍ଜାବରେ କଂଗ୍ରେସକୁ ମାତ ଦେଇଛି ଆମ ଆଦମୀ ପାର୍ଟି । ଉଭୟ ରାଜ୍ୟରେ ଏକପାଖିଆ ଭାବେ ଦଳ କ୍ଷମତାକୁ ଆସିପାରିଛି । ଗୋଆରେ ମଧ୍ୟ ଦଳ ଭଲ ପ୍ରଦର୍ଶନ କରିଛି । ଦଳ ମାତ୍ର ୨ଟି ଆସନ ନେଇଥିଲେବି ଭଲ ଭୋଟ ପାଇଛି ବୋଲି ଆପ ପକ୍ଷରୁ କୁହାଯାଇଛି ।
