ପାଟନା : ଗୟା ମୁଖ୍ୟାଳୟଠାରୁ ୭୦ କିଲୋମିଟର ଦୂରରେ ଥିବା ଡୁମରିଆ ବ୍ଲକର ମାଉନୱାର ଗ୍ରାମରେ ମାଓବାଦୀମାନେ ଦୁଇ ମହିଳାଙ୍କ ସମେତ ଚାରି ଜଣଙ୍କୁ ହତ୍ୟା କରିଛନ୍ତି । ମାଓବାଦୀମାନେ ଚାରିଜଣଙ୍କୁ ଘର ବାହାରେ ଥିବା ଏକ ଖାଲରେ ଫାଶୀ ଦେଇଥିଲେ । ନିହତମାନଙ୍କ ମଧ୍ୟରେ ଗୋଟିଏ ପରିବାରର ଦୁଇ ସ୍ୱାମୀ ଏବଂ ସେମାନଙ୍କ ପତ୍ନୀ ଅଛନ୍ତ । ଏହି ୪ଜଣଙ୍କୁ ହତ୍ୟା କରିବା ପରେ ଗାଁରେ ଆତଙ୍କ ସୃଷ୍ଟି କରିବା ଉଦ୍ଦେଶ୍ୟରେ ସେମାନେ ଏକ ଘର ବୋମାରେ ଉଡ଼ାଇ ଦେବା ସହ ମୋଟରସାଇକେଲରେ ନିଆଁ ଲଗାଇ ଦେଇଥିଲେ ।
ମୃତକଙ୍କ ମଧ୍ୟରେ ସତ୍ତେନ୍ଦ୍ର ସିଂ, ମହେନ୍ଦ୍ର ସିଂ, ମନୋରାମା ଦେବୀ ଏବଂ ସୁନୀତା ସିଂ ଅଛନ୍ତି । ମାଓବାଦୀମାନେ ଏକ ପୋଷ୍ଟରେ ଲେଖିଛନ୍ତି ଯେ,ମାନବିକତାର ହତ୍ୟାକାରୀ, ଦେଶଦ୍ରୋହୀ ତଥା ବିଶ୍ୱାସଘାତକଙ୍କୁ ମୃତ୍ୟୁ ଦେବା ବ୍ୟତୀତ ଅନ୍ୟ କୌଣସି ବିକଳ୍ପ ନାହିଁ । ଏହା ହେଉଛି ତାଙ୍କର ଚାରି ସାଥୀ ଅମରଶ, ସୀତା, ଶିବପୁଜନ ଏବଂ ଉଦୟଙ୍କ ହତ୍ୟା ପାଇଁ ପ୍ରତିଶୋଧ । ଭବିଷ୍ୟତରେ ମଧ୍ୟ ଏପରି କାର୍ଯ୍ୟ ଜାରି ରହିବ ।
ଉକ୍ତ ସ୍ଥାନରେ ରଖାଯାଇଥିବା ଲିଫଲେଟଟି ଜନ ମୁକ୍ତି ଛାପାକାର ସେନା, ସେଣ୍ଟ୍ରାଲ ଜୋନ୍ ଝାଡଖଣ୍ଡ, ସିପିଆଇ (ମାଓବାଦୀ) ନାମରେ ରହିଛ । ଏହି ଘଟଣା ପରେ ସମଗ୍ର ଅଞ୍ଚଳରେ ଆତଙ୍କ ଖେଳିଯାଇଛି । ଏହି ବିଷୟ କେହି ଅଧିକ କହିବାକୁ ଚାହୁନାହାଁନ୍ତି । ଗୟା ମୁଖ୍ୟାଳୟର ବରିଷ୍ଠ ଅଧିକାରୀମାନେ ଘଟଣାସ୍ଥଳକୁ ଯାଇଛନ୍ତି ।
ଏହି ପ୍ରସଙ୍ଗରେ ଏସଏସପି ଆଦିତ୍ୟ କୁମାର କହିଛନ୍ତି, ‘ନକ୍ସଲମାନେ ନିର୍ବାଚନରେ ନିଜର ଆଭିମୁଖ୍ୟ ଦେଖାଇବା ପାଇଁ ଏହିପରି ଭୟଭୀତ କାର୍ଯ୍ୟ କରୁଛନ୍ତି । ସେହି ସ୍ଥାନରେ ହତ୍ୟାକାଣ୍ଡ ଘଟିଛି, ସେହି ସ୍ଥାନରେ ୪ ନକ୍ସଲଙ୍କୁ ଏନକାଉଣ୍ଟର କରାଯାଇଥିଲା । ପୁଲିସ ଏବେ ତାର ସର୍ଚ୍ଚ ଅପରେସନ ଜାରି ରଖିଛି ।
