ଅଲୱାର : ସୋମବାର ବିଳମ୍ବିତ ରାତିରେ ରାଜସ୍ଥାନରକ ଅଲୱାର ସହରରେ ଥିବା ନେମ୍ରାନା ଇଣ୍ଡଷ୍ଟ୍ରିଆଲ୍ ଏରିଆର ଡାଏକିନ୍ ଏୟାର କଣ୍ଡିସନିଂ ଇଣ୍ଡିଆ ପ୍ରାଇଭେଟ ଲିମିଟେଡ୍ କମ୍ପାନୀର ଗୋଦାମରେ ଏକ ଭୟଙ୍କର ଅଗ୍ନିକାଣ୍ଡ ଘଟିଯାଇଛି । ନିଆଁର ପ୍ରଖର ଏତେ ଅଧିକ ଥିଲା ଯେ, ସକାଳେ ଯାଏଁ ମଧ୍ୟ ଅନେକ ଅଗ୍ନିଶମ ବାହିନୀ ନିଆଁକୁ ସଂପୂର୍ଣ୍ଣ ଭାବରେ ଆୟତ୍ତ କରିପାରିନଥିଲେ । ଗୋଦାମରେ ପ୍ରାୟ ୪୪ ହଜାର ଏୟାର କଣ୍ଡିସନର (ଏସି) ଜଳିଯାଇଛି । ଏହି ଅଗ୍ନିକାଣ୍ଡରେ କୋଟି କୋଟି ଟଙ୍କା କ୍ଷତି ଘଟିଛି, ଯଦିଓ କମ୍ପାନୀରୁ ପକ୍ଷରୁ ଏ ନେଇ କୌଣସି ସଠିକ ସୂଚନା ଏପର୍ଯ୍ୟନ୍ତ ଦିଆଯାଇନାହିଁ ।
