ନୂଆଦିଲ୍ଲୀ: ଆଫଗାନିସ୍ତାନରେ ତାଲିବାନ ଦଖଲ ପରେ ଅବସ୍ଥା ବିଗିଡିବା ପରିପ୍ରେକ୍ଷୀରେ ଭାରତ ସରକାର ନାଗରିକଙ୍କ ନିରାପଦ ପ୍ରତ୍ୟାବର୍ତ୍ତନରେ ଜାରି ରଖିଛି । ଆଫଗାନିସ୍ତାନରେ ଫସି ରହିଥିବା ଭାରତୀୟମାନଙ୍କୁ ସ୍ୱତନ୍ତ୍ର ବିମାନ ମାଧ୍ୟମରେ ଦେଶକୁ ଅଣାଯାଉଛି । କାବୁଲରୁ ସ୍ଥାନାନ୍ତରିତ ଭାରତୀୟଙ୍କୁ ନେଇ ଦୁଇଟି ବିମାନ ଆଜି ସକାଳେ ଦିଲ୍ଲୀରେ ପହଞ୍ଚିଛି । ଭାରତୀୟଙ୍କୁ କାବୁଲରୁ ବାହାର କରିବା ପରେ ଦୁଇଟି ଭିନ୍ନ ବିମାନ ଯଥାକ୍ରମେ ଦୁଶାନବେ ଏବଂ ଦୋହାରେ ପହଞ୍ଚିଥିଲା ଏବଂ ପରେ ଆଜି ଦିଲ୍ଲୀରେ ପହଞ୍ଚିଥିଲା । ଏଥିସହିତ ଭାରତୀୟ ବାୟୁସେନାର ତୃତୀୟ ସ୍ୱତନ୍ତ୍ର ବିମାନ କାବୁଲରୁ ଦିଲ୍ଲୀ ଅଭିମୁଖେ ଯାତ୍ରା କରିଛି । ଏଥିରେ ୧୦୭ ଜଣ ଭାରତୀୟଙ୍କ ସମେତ ୧୬୮ ଯାତ୍ରୀ ଅଛନ୍ତି ।
କାବୁଲରୁ ସ୍ଥାନାନ୍ତରିତ ଭାରତୀୟଙ୍କ ବିଷୟରେ ସୂଚନା ବିଷୟରେ ବୈଦେଶିକ ମନ୍ତ୍ରଣାଳୟର ମୁଖପାତ୍ର ଅରିନ୍ଦମ ବାଗଚି ଟ୍ୱିଟ୍ କରିଛନ୍ତି । ସେ ଏକ ଭିଡିଓ କ୍ଲିପ୍ ମଧ୍ୟ ପୋଷ୍ଟ କରିଛନ୍ତି ଯେଉଁଥିରେ କାବୁଲରୁ ଆସିଥିବା ଲୋକମାନେ ‘ଭାରତ ମାତା କି ଜୟ’ ଚିତ୍କାର କରୁଥିବା ଦେଖିବାକୁ ମିଳିଛି ।
