ନୂଆଦିଲ୍ଲୀ : ଆମ୍ ଆଦମୀ ପାର୍ଟି (ଏଏପି) ର ସଂଯୋଜକ ତଥା ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଦ୍ୱାରା ଡକାଯାଇଥିବା ବିଧାୟକଙ୍କ ବୈଠକରୁ ଏହା ସ୍ପଷ୍ଟ ହୋଇଛି ଯେ ଦଳର ସମସ୍ତ ବିଧାୟକ ଏକଜୁଟ ହୋଇଛନ୍ତି ଏବଂ ସରକାରଙ୍କ ପ୍ରତି କୌଣସି ବିପଦ ନାହିଁ । ୫୩ ଜଣ ବିଧାୟକ କେଜ୍ରିୱାଲଙ୍କ ସଭାରେ ପହଞ୍ଚିଥିବାବେଳେ ବିଭିନ୍ନ କାରଣରୁ ୮ ଜଣ ଦିଲ୍ଲୀ ବାହାରେ ଅଛନ୍ତି । ଏଥି ସହ ସ୍ୱାସ୍ଥ୍ୟମନ୍ତ୍ରୀ ସତ୍ୟେନ୍ଦ୍ର ଜେନା ଜେଲରେ ଥିବାରୁ ଆସିପାରିନଥିଲେ ।
ଆମ୍ ଆଦମୀ ପାର୍ଟି ମୁଖପାତ୍ର ସୌରଭ ଭରଦ୍ୱାଜ କହିଛନ୍ତି ଯେ ଏହି ସଭାରେ ୬୨ ଜଣ ବିଧାୟକଙ୍କ ମଧ୍ୟରୁ ୫୩ ଜଣ ଉପସ୍ଥିତ ଥିଲେ । ବାଚସ୍ପତି ରାମ ନିୱାସ ଗୋଏଲ ବିଦେଶ ଗସ୍ତରେ ଅଛନ୍ତି । ଏଥି ସହ ଉପମୁଖ୍ୟମନ୍ତ୍ରୀ ମନୀଷ ସିସୋଡିଆ ହିମାଚଳ ପ୍ରଦେଶରେ ଅଛନ୍ତି । ଆଉ କିଛି ବିଧାୟକ ସହର ବାହାରେ ଅଛନ୍ତି । କିନ୍ତୁ ଏହି ସବୁ ବିଧାୟକ ସହ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଫୋନରେ କଥା ହୋଇଥିଲେ । ସୌରଭ କହିଛନ୍ତି ଯେ ସମସ୍ତ ବିଧାୟକ ମୁଖ୍ୟମନ୍ତ୍ରୀଙ୍କୁ ଆଶ୍ୱାସନା ଦେଇଛନ୍ତି ଯେ ସେମାନେ ଶେଷ ନିଶ୍ୱାସ ପର୍ଯ୍ୟନ୍ତ ଏକାଠି ଅଛନ୍ତି । ଭରଦ୍ୱାଜ ଏହା ମଧ୍ୟ କହିଛନ୍ତି ଯେ ଅପରେସନ୍ ଲୋଟସ୍ ବିଫଳ ହୋଇଛି ।
ଏଥି ସହିତ, ବୈଠକ ଆରମ୍ଭ ପୂର୍ବରୁ ଆପ୍ ର ବହୁ ବଡ ନେତା କହିଥିଲେ ଯେ କିଛି ବିଧାୟକଙ୍କ ସହ ଯୋଗାଯୋଗ ହୋଇପାରୁନାହିଁ । କିନ୍ତୁ ବୈଠକରେ ସମସ୍ତେ ଉପସ୍ଥିତ ରହିବେ ବୋଲି ସେମାନେ ଆଶଆ ପ୍ରକାଶ କରିଥିଲେ । ଯାହା ମଧ୍ୟ ସତ ହୋଇଛି । ଉପ-ମୁଖ୍ୟମନ୍ତ୍ରୀ ମନୀଷ ସିସୋଡିଆ ଏକ ମଦ ଦୁର୍ନୀତିରେ ଛନ୍ଦି ହେବା ପରେ ବିଜେପି ତାଙ୍କ ସରକାରକୁ ହଟାଇବାକୁ ଚେଷ୍ଟା କରୁଛି ବୋଲି ଆପ ଅଭିଯୋଗ କରିଛି । ପ୍ରଥମେ ମନୀଷ ସିସୋଡିଆ ନିଜେ କହିଛନ୍ତି ଯେ ବିଜେପି ପକ୍ଷରୁ ଏହି ଅଫର ପାଇବା ପରେ ବୁଧବାର ଦିନ ଦଳ ଗଣମାଧ୍ୟମ ସମ୍ମୁଖରେ ୪ ଜଣ ବିଧାୟକଙ୍କୁ ଉପସ୍ଥାପନ କରିଛି ଏବଂ ସେମାନଙ୍କୁ ୨୦-୨୫ କୋଟି ଟଙ୍କା ପ୍ରଲୋଭନ ଦେଖାଇଥିବା ଦାବି କରିଛି । ମନୀଷ ସିସୋଡିଆଙ୍କ ପରି ତାଙ୍କୁ ମଧ୍ୟ ଏକ ନକଲି ମାମଲାରେ ଜଡିତ କରିବାକୁ ଧମକ ଦିଆଯାଉଛି ।
