ମଧ୍ୟପ୍ରଦେଶର ନିୱାରୀ ଜିଲ୍ଲାର ପ୍ରୀତିପୁର ଡିଏସପି ସନ୍ତୋଷ ପଟେଲଙ୍କ ବିବାହ ଆଜିକାଲି ଖୁବ ଚର୍ଚ୍ଚାର ବିଷୟ ପାଲଟିଛି । ସରଳତା ସହିତ ବିବାହ କରିଥିବା ଡିଏସପି ସାହେବ ନିଜର ପତ୍ନୀଙ୍କୁ କାର କିମ୍ବା ବସ୍ ନ ଆଣି ସାଇକେଲରେ ଘରକୁ ଆଣିଛନ୍ତି । ଏହି ଭିଡିଓ ଏବେ ଖୁବ ଭାଇରାଲ ହେବାରେ ଲାଗିଛି । ଏତେ ବଡ ପଦବୀରେ ଥାଇ ମଧ୍ୟ ସେ ନିଜ ସଂସ୍କୃତି ଓ ପରଂପରାକୁ ଭୁଲିନାହାନ୍ତି । ତାଙ୍କର ଏହି କାର୍ଯ୍ୟକୁ ଅଂଚଳବାସୀ ଭୂୟସୀ ପ୍ରଶଂସା କରିଛନ୍ତି ।
ଆଜିକାଲିର ବିବାହରେ ଲୋକମାନେ ବହୁତ ଟଙ୍କା ଖର୍ଚ୍ଚ କରୁଥିବା ବେଳେ ଡିଏସପି ଭଳି ପଦବୀରେ ଥାଇ ମଧ୍ୟ ସେ ଯେଉଁ ଢଙ୍ଗରେ ବିବାହ କରିଛନ୍ତି ତାହା ଆଲୋଚନାର ବିଷୟ ପାଲଟିଛି । ତାଙ୍କର ସମସ୍ତ ବିବାହ କାର୍ଯ୍ୟ ହିନ୍ଦୁ ରୀତିନୀତିରେ ହୋଇଥିଲା । ବର ଭାରତୀୟ ପୋଷାକ ପରିଧାନ କରିଥିବା ବେଳେ କନ୍ୟା ଲାଲ ଚୁନାରୀ ପିନ୍ଧିଥିଲେ । ବାହାଘର ପରେ ଡିଏସପି ନିଜ ତାଙ୍କ ପତ୍ନୀଙ୍କୁ ଏକ ସାଇକେଲ ସାହାଯ୍ୟରେ ନିଜକୁ ଘରକୁ ନେଇଥିଲେ । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
