ମୁମ୍ବାଇ : ନିକଟରେ କ୍ୟାଟ୍ରିନା ମାଳଦ୍ୱୀପ୍ରେ ଜନ୍ମଦିନ ପାଳନ କରିଥିଲେ । ଏହାର ଫଟୋ ସୋସିଆଲ୍ ମିଡିଆରେ ଖୁବ୍ ଭାଇରାଲ୍ ହୋଇଥିଲା । ପ୍ରଥମେ କ୍ୟାଟ୍ରିନା ତାଙ୍କ ଗର୍ଲସ୍ ଗ୍ୟାଙ୍ଗ୍ ସହ ନଜର ଆସିଥିଲେ । ହେଲେ ତାଙ୍କ ପ୍ରଶଂସକ ବିକି-କ୍ୟାଟ୍ଙ୍କ ଫଟୋ ଦେଖିବାକୁ ଅପେକ୍ଷା କରି ରହିଥିଲେ । ଯାହାକି ବର୍ତ୍ତମାନ ସାମ୍ନାକୁ ଆସିଛି । ବିକି-କ୍ୟାଟ୍ଙ୍କ ଏହି ସୁନ୍ଦର ଫଟୋରେ ଦୁହେଁ ଦୁହିଁଙ୍କ ହାତ ଧରିଛନ୍ତି । ବୋଟ୍ ଉପରେ ବସିଥିବା ବେଳେ ବିକି ହ୍ୱାଇଟ୍ ସାର୍ଟ ଏବଂ ହ୍ୱାଇଟ୍ ପ୍ୟାଣ୍ଟ ପିନ୍ଧିଥିବା ବେଳେ କ୍ୟାଟ୍ ମଧ୍ୟ ଧଳା ରଙ୍ଗର ଗାଉନ୍ରେ ନଜର ଆସିଛନ୍ତି । ବର୍ତ୍ତମାନ ଏହି ଫଟୋ ଭାଇରାଲ୍ ହେବା ସହ ଅନେକ କମେଣ୍ଟ ଆସିବାରେ ଲାଗିଛି । କହିବାକୁ ଗଲେ ଦୀର୍ଘ ସମୟ ଧରି ଗସିପ୍ କରିଡରରେ ଆଲୋଚନା ହେଉଥିଲା କି କ୍ୟାଟ୍ରିନା ବୋଧ ହୁଏ ଗର୍ଭବତୀ ଅଛନ୍ତି । ତାଙ୍କ ପ୍ରଶଂସକମାନେ ଆଶା କରିଥିଲେ ଯେ ଜନ୍ମ ଦିନରେ ହିଁ ଏହି ଖବର ସାମ୍ନାକୁ ଆସିପାରେ । ଫଟୋ ପୋଷ୍ଟ କରିବା ସହ ସସପେନ୍ସରୁ ପରଦା ଉଠାଇବେ ବୋଲି ଚର୍ଚ୍ଚା ହେଉଥିଲା । ହେଲେ ବର୍ତ୍ତମାନ ପ୍ରଶଂସକଙ୍କୁ ଆହୁରି ଅପେକ୍ଷା କରିବାକୁ ପଡିବ ।
