ଇସଲାମାବାଦ : ପାକିସ୍ତାନର ଅବସ୍ଥା ଏବେ ଅତି ସାଂଘାତିକ । ଦେଶର ଆର୍ଥିକ ସ୍ଥିତି ଦେବାଳିଆ ଭଳି । ରାଜନୈତିକ ଅସ୍ଥିରତା ସାଙ୍ଗକୁ ଦରଦାମ ବୃଦ୍ଧିନେଇ ଲୋକେ ତାତିଗଲେଣି । ଏସବୁ କାରଣରୁ ପ୍ରଧାନମନ୍ତ୍ରୀ ଇମ୍ରାନ ଖାଁଙ୍କ ଲୋକପ୍ରିୟତା ଯଥେଷ୍ଟ କମିଛି । ୧୭ ଅଗଷ୍ଟ ୨୦୧୮ ରେ ଇମ୍ରାନ ଖାନ ପାକିସ୍ତାନର ୨୨ ତମ ପ୍ରଧାନମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ । ତାଙ୍କ କାର୍ଯ୍ୟକାଳରୁ ପେଟ୍ରୋଲ ଦର ୫୫.୨୨ ପ୍ରତିଶତ ବୃଦ୍ଧି ପାଇଛି । ପେଟ୍ରୋଲର ମୂଲ୍ୟ ବର୍ତ୍ତମାନ ଲିଟର ପିଛା ୯୫.୨୪ ରୁ ୧୪୭.୮୩ ଟଙ୍କାକୁ ବୃଦ୍ଧି ପାଇଛି । ଜାନୁଆରୀ ୧୬, ୨୦୧୨ ରୁ ୧୬ ଜାନୁୟାରୀ ୨୦୨୨ ମଧ୍ୟରେ ପେଟ୍ରୋଲ ଲିଟର ପିଛା ୮୯.୫୪ ରୁ ୧୪୭.୮୩ ଟଙ୍କାକୁ ବୃଦ୍ଧି ପାଇଛି । ଚଳିତ ବର୍ଷ ମଧ୍ୟ ଏହା ବୃଦ୍ଧି ପାଇବ ବୋଲି ଅନୁମାନ କରାଯାଉଛି । ମଙ୍ଗଳବାର ଦିନ ପାକିସ୍ତାନର ଜାତୀୟ ସୁରକ୍ଷା ପରାମର୍ଶଦାତା ମୋଇଦ ୟୁସୁଫ ଆଫଗାନିସ୍ତାନର ରାଜଧାନୀ କାବୁଲ ଗସ୍ତ କରିବେ । ସୀମା ବିବାଦର ସମାଧାନ ପାଇଁ ପାକିସ୍ତାନୀ ଏନଏସଏସ କାବୁଲକୁ ଯିବ, ଡୁରାଣ୍ଡ ଲାଇନରେ ତାଲିବାନର ଆପତ୍ତି ରହିଛ । ବିରୋଧୀ ଦଳ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ନେତୃତ୍ୱରେ ପାକିସ୍ତାନ ତେହେରିକ-ଇ-ଇନସାଫ (ପିଟିଆଇ) ସରକାରଙ୍କୁ ସମାଲୋଚନା କରି କହିଛନ୍ତି ଯେ ବିଦ୍ୟୁତ ଶୁଳ୍କ ଏବଂ ପେଟ୍ରୋଲ ଦର ବୃଦ୍ଧି ଜନସାଧାରଣଙ୍କ ଏକ ଆର୍ଥିକ ହତ୍ୟା । ପାକିସ୍ତାନ ପିପୁଲ୍ସ ପାର୍ଟି (ପିପିପି) ଅଧ୍ୟକ୍ଷ ବିଲାୱାଲ ଭୁଟ୍ଟୋ ଜାରଦାରୀ କହିଛନ୍ତି ଯେ ବିଦ୍ୟୁତ ଶୁଳ୍କରେ ୪ ଟଙ୍କା ବୃଦ୍ଧି ପରେ ପେଟ୍ରୋଲିୟମ ଦ୍ରବ୍ୟର ମୂଲ୍ୟ ଲିଟର ପିଛା ୩ ରୁ ଅଧିକ ବୃଦ୍ଧି କରାଯାଇଛି । ସେ କହିଛନ୍ତି ଯେ ଫେବୃଆରୀ ୨୭ ରେ ସରକାର ବିରୋଧୀ ଦୀର୍ଘ ପଦଯାତ୍ରାର ଉଦ୍ଦେଶ୍ୟ ହେଉଛି ଲୋକଙ୍କୁ ମୁଦ୍ରାସ୍ଫୀତି ଏବଂ ଅର୍ଥିକ ସଙ୍କଟରୁ ରକ୍ଷା କରିବା ।
