ନୂଆଦିଲ୍ଲୀ : ୟୁକ୍ରେନରୁ ଆଜି ଫେରିଛନ୍ତି ଆଉ ୧୧୬ ଭାରତୀୟ । ଅପରେସନ୍ ଗଙ୍ଗାରେ ଅଷ୍ଟମ ପର୍ଯ୍ୟାୟରେ ଫେରିଛନ୍ତି ଆଉ ୧୧୬ ଛାତ୍ରଛାତ୍ରୀ । ଏୟାର ଇଣ୍ଡିଆର ସ୍ୱତନ୍ତ୍ର ବିମାନ ଭାରତୀୟଙ୍କୁ ନେଇ ଦିଲ୍ଲୀ ବିମାନ ବନ୍ଦରରେ ପହଂଚିଛି । ବିମାନ ବନ୍ଦରରେ ଅବତରଣ ପରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ ମନସୁଖ ମାଣ୍ଡଭ୍ୟ ସ୍ୱାଗତ କରିଛନ୍ତି । ଅନେକ ଭାରତୀୟ ଆହୁରି ଫସି ରହିଛନ୍ତି । ସେମାନଙ୍କୁ ଉଦ୍ଧାର କରିବାକୁ ସମସ୍ତ ପ୍ରୟାସ ଚାଲିଛି ବୋଲି ସ୍ୱାସ୍ଥ୍ୟ ମନ୍ତ୍ରୀ ମନସୁଖ ମାଣ୍ଡଭ୍ୟ କହିଛନ୍ତି । ଯୁଦ୍ଧର ଭୟାବହ ସ୍ଥିତିରୁ ବର୍ତିଯାଇଥିବା ଛାତ୍ର କହିଛନ୍ତି,ସୀମାରେ ପରିସ୍ଥିତି ଖୁବ୍ ଭୟଙ୍କର ରହିଛି । ଦିଲ୍ଲୀରେ ତାଙ୍କ ବିମାନ ଅବତର କରିବା ପରେ ସେ ସେ ଆଶ୍ୱସ୍ତ ହୋଇଥିବା କହିଛନ୍ତି । ଆଜି ସକାଳେ ଅପରେସନ୍ ଗଙ୍ଗାର ସପ୍ତମ ବିମାନ ୧୮୨ ଜଣ ଭାରତୀୟଙ୍କୁ ନେଇ ମୁମ୍ବାଇ ପହଂଚିଥିଲା । କେନ୍ଦ୍ରମନ୍ତ୍ରୀ ନାରାୟଣ ରାଣେ ସମସ୍ତ ଭାରତୀୟଙ୍କୁ ସ୍ୱାଗତ କରିଥିଲେ ।
