ନୂଆଦିଲ୍ଲୀ,୨୦/୩ : ଏବେ ଭାରତ ଗସ୍ତରେ ଅଛନ୍ତି ଜାପାନର ପ୍ରଧାନମନ୍ତ୍ରୀ ଫୁମିଓ କିଶିଦା । ତାଙ୍କ ସହିତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବିଭିନ୍ନ ବିଷୟରେ ଆଲୋଚନା କରିଛନ୍ତି । ତେବେ ଯେଉଁ କଥାଟି ଏବେ ବିଶେଷ ଚର୍ଚ୍ଚାର ବିଷୟ ହେଉଛି କିଶିଦାଙ୍କୁ ମୋଦୀ ଦେଇଥିବା ଉପହାର । ଜାପାନ ପ୍ରଧାନମନ୍ତ୍ରୀଙ୍କୁ ଏକ ହାତ ତିଆରି ରାଜକୀୟ ବିଞ୍ଚଣା ଉପହାରରେ ଦେଇଛନ୍ତି । ଜାପାନ ପ୍ରଧାନମନ୍ତ୍ରୀଙ୍କୁ ଉପହାରରେ ମିଳିଥିବା ଏହି ସ୍ୱତନ୍ତ୍ର ବିଞ୍ଚଣା ବେଶ ଆକର୍ଷଣୀୟ ଓ ସୁନ୍ଦର ଦିଶୁଛି । ଚନ୍ଦନ କାଠରେ ନିର୍ମିତ ହୋଇଥିବା ଏହି ସ୍ୱତନ୍ତ୍ର ବିଞ୍ଚଣାକୁ ରାଜସ୍ଥାନର କାଠ ଶିଳ୍ପୀମାନେ ନିର୍ମାଣ କରିଛନ୍ତି । ଏହା ପାରମ୍ପରିକ ଉପାୟରେ ତିଆରି ହୋଇଛି । ଏହି ସ୍ୱତନ୍ତ୍ର ବିଞ୍ଚଣାରେ ବିଭିନ୍ନ ପ୍ରକାର କାରୁକାର୍ଯ୍ୟ କରାଯାଇଛି । ଅତି ଆକର୍ଷଣୀୟ ଓ ସୁନ୍ଦର ଦିଶୁଥିବା ଏହି ସ୍ୱତନ୍ତ୍ର ବିଞ୍ଚଣାର ପୂରା ଉପରେ ଏକ ମୟୂର ପକ୍ଷୀର କାରୁକାର୍ଯ୍ୟ କରାଯାଇଛି । ପଙ୍ଖାରେ ଭଗବାନ ଶ୍ରୀକୃଷ୍ଣଙ୍କ ବିଭିନ୍ନ ମୁଦ୍ରା ସ୍ଥ୍ାନିତ ହୋଇଛି ।
