ମୁମ୍ବାଇ: ବଲିଉଡ ଅଭିନେତା ଅରମାନ କୋହଲିଙ୍କୁ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ଗିରିଫ କରିଛି । ତାଙ୍କ ମୁମ୍ବାଇ ଘରୁ ଡ୍ରଗ୍ସ ଜବତ କରିବା ତାଙ୍କୁ ଗିରଫ କରାଯାଇଥିବା ଜଣାପଡିଛି । ଏହାପୂର୍ବରୁ ଶନିବାର ଦିନ ତାଙ୍କ ଘରେ ଏନସିବି ଚଢାଉ କରି ଅଭିନେତାଙ୍କୁ ପଚରାଉଚରା ପାଇଁ ଅଟକ ରଖିଥିଲା । କେନ୍ଦ୍ରୀୟ ଏଜେନ୍ସିର ସୂତ୍ରରୁ ଏହି ସୂଚନା ଦିଆଯାଇଛି ।ଏଏନ୍ଆଇ ରିପୋର୍ଟ ମୁତାବକ ଆଜି ତାଙ୍କୁ ମୁମ୍ବାଇ ସିଟି କୋର୍ଟରେ ଏନ୍ସିବି ହାଜର କରିବ। ଏନ୍ସିବି ଅଧିକାରୀଙ୍କ କହିବା ମୁତାବକ ଡ୍ରଗ୍ସ ମାଫିଆ ଅଜୟ ରାଜୁ ସିଂଙ୍କୁ ଖୋଜି ଖୋଜି ଏନ୍ସିବି ଅରମାନଙ୍କ ନିକଟରେ ପହଞ୍ଚିଥିଲା। ଏହାପରେ ଡ୍ରଗ୍ସ ମାଫିଆ ଓ ଅରମାନଙ୍କୁ ସାମ୍ନା ସାମ୍ନି ବସାଇ ପଚରା ଉଚରା କରିବା ପରେ ସବୁକିଛି ସ୍ପଷ୍ଟ ହୋଇଥିଲା। କେବଳ ଏତିକି ନୁହେଁ, ବଲିଉଡର ଅନ୍ୟମାନେ ଏଥିରେ ଜଡିତ ଅଛନ୍ତି। ଆଗକୁ ଏହାର ଯାଞ୍ଚ କରାଯିବ। ତେଣୁ ଅଧିକ ଦିନ ରିମାଣ୍ଡରେ ନେବାକୁ କୋର୍ଟରେ ଆବେଦନ କରିବ ଏନ୍ସିବି।
