ନୂଆଦିଲ୍ଲୀ : ଦେହ ଥରାଇଦେଲା ଭଳି ଏକ ଘଟଣା ଘଟିଥିଲା ସଂଯୁକ୍ତ ଆରବ ଏମିରେଟ୍ସ (ୟୁଏଇ)ରେ । ଆଉ ଟିକିଏ ଡେରି ହୋଇଥିଲେ ଧ୍ୱଂସ ପାଇଯାଇଥାନ୍ତା ଦୁଇଟି ବିମାନ ଏବଂ ଶହ ଶହ ଯାତ୍ରୀ ମୃତାହତ ହୋଇଥାନ୍ତେ । ଏହି ଦୁଇଟିଯାକ ବିମାନ ଭାରତ ଆସିବାକୁ ପ୍ରସ୍ତୁତ ହେଉଥିବା ବେଳେ ଏହି ଘଟଣା ଘଟିଥିଲା । ଦୁବାଇ ଅନ୍ତର୍ଜାତୀୟ ବିମାନବନ୍ଦରରେ ଦୁଇଟି ବୋଇଂ ୭୭୭ ବିମାନ ବାହାରିଥିଲେ ସେମାନଙ୍କ ଗନ୍ତବ୍ୟସ୍ଥଳକୁ । ଗୋଟିଏ ହାଇଦ୍ରାବାଦକୁ ଆଉ ଗୋଟିଏ ବେଙ୍ଗାଲୁରୁକୁ । ହାଇଦ୍ରାବାଦ ଅଭିମୁଖୀ ବିମାନ ରନୱେରୁ ଉପରକୁ ଉଠିବାକୁ ଯାଉଥିବାବେଳେ ଆର ବିମାନଟି ବିପରୀତ ପାଶ୍ୱର୍ରୁ ଆସିବା ଆରମ୍ଭ କରିଦେଇଥିଲା । ଲାଗୁଥିଲା,ଏଇ ସାଙ୍ଗେସାଙ୍ଗେ ଧକ୍କା ହୋଇଯିବ । ତେବେ ଏଟିସି କାଳ ବିଳମ୍ବ ନକରି ଗୋଟିଏ ବିମାନର ପାଇଲଟଙ୍କୁ ଅଟକିବା ପାଇଁ ସଙ୍କେତ ଦେଇଥିଲେ ଏବଂ ତୀବ୍ର ଗତି ଧରିସାରିଥିବା ବିମାନଟି ଯାହାହେଉ ଅଟକିଯାଇଥିଲା । ଫଳରେ ଏକ ବଡ଼ଧରଣର ଦୁର୍ଘଟଣା ଟଳିଯାଇଥିଲା । ଗତ ରବିବାର ଏହି ଘଟଣା ଘଟିଥିଲା ।
