ନୂଆଦିଲ୍ଲୀ : ଆଜି ସାରା ଦେଶରେ ମକର ସଂକ୍ରାନ୍ତି ଏବଂ ପୋଙ୍ଗଲ ପାଳନ କରାଯାଉଛି । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କ ସମେତ ଅନେକ ନେତା ଦେଶବାସୀଙ୍କୁ ଅଭିନନ୍ଦନ ଜଣାଇଛନ୍ତି । ପ୍ରଧାନମନ୍ତ୍ରୀ ମୋଦି ତାଙ୍କ ଅଫିସିଆଲ୍ ଟ୍ୱିଟର ହ୍ୟାଣ୍ଡେଲରେ ପାଞ୍ଚଟି ଭାଷାରେ ଏହି ଉତ୍ସବକୁ ଅଭିନନ୍ଦନ ଜଣାଇଛନ୍ତି। ପ୍ରଧାନମନ୍ତ୍ରୀ କରିଥିବା ଟୁଇଟ୍ କିନ୍ତୁ ହିନ୍ଦୀରେ ଲେଖାଯାଇଥିଲା ।
ପିଏମ ମୋଦି ଲେଖିଛନ୍ତି, ‘ଆପଣ ସମସ୍ତଙ୍କୁ ମକର ସଙ୍କ୍ରାନ୍ତିର ବହୁତ ଶୁଭେଚ୍ଛା । ପ୍ରକୃତିର ଉପାସନା ସହିତ ଜଡିତ ଏହି ପର୍ବ ସମସ୍ତଙ୍କ ଜୀବନରେ ସ୍ୱାସ୍ଥ୍ୟ ଏବଂ ସୁଖ ଆଣିଦେଉ ଏହାହିଁ ମୋର କାମନା । ଏହା ପରେ ପ୍ରଧାନମନ୍ତ୍ରୀ ଆହୁରି ଅନେକ ଟୁଇଟ୍ କରି ଦେଶବାସୀଙ୍କୁ ଅଭିନନ୍ଦନ ଜଣାଇଛନ୍ତି। ସେ ମାଘ ବିହୁ ପର୍ବକୁ ଅଭିନନ୍ଦନ ଜଣାଇବା ସହ ସୁଖ ଏବଂ ସମୃଦ୍ଧତା କାମନା କରିଥିଲେ । ସେ ଗୁଜୁରାଟର ଲୋକମାନଙ୍କୁ ଉତ୍ତରାୟଣର ଶୁଭେଚ୍ଛା ଜଣାଇଛନ୍ତି ।
