ଚେନ୍ନାଇ : ସୁପରଷ୍ଟାର ରଜନୀକାନ୍ତ ଡାକ୍ତରଖାନାରୁ ଡିସଚାର୍ଜ ହୋଇ ରବିବାର ରାତିରେ ଘରକୁ ଫେରିଛନ୍ତି । ରଜନୀକାନ୍ତଙ୍କ ସ୍ୱାସ୍ଥ୍ୟ ଅବସ୍ଥା ଖରାପ ହେବା ପରେ ଚେନ୍ନାଇର କାଉଭେରୀ ହସ୍ପିଟାଲରେ ଭର୍ତ୍ତି ହୋଇଥିଲେ । ସେ ସୋସିଆଲ ମିଡିଆରେ ଘରେ ପହଞ୍ଚିବାର ଏକ ଚିତ୍ର ସେୟାର କରିଥିଲେ ଯାହା ପରେ ତାଙ୍କ ପ୍ରଶଂସକମାନେ ଆଶ୍ୱସ୍ତି ହୋଇଛନ୍ତି । ଫଟୋରେ ରଜନୀକାନ୍ତ ଘରର ମନ୍ଦିର ସମ୍ମୁଖରେ ଠିଆ ହୋଇ ପ୍ରାର୍ଥନା କରୁଛନ୍ତି ।
ରଜନୀକାନ୍ତ ତାଙ୍କ ଛବି ସହିତ କ୍ୟାପସନରେ ଲେଖିଥିଲେ – “ଘରକୁ ଫେରି ଆସିଲି ।’
ରଜନୀକାନ୍ତଙ୍କ ଏକ ଭିଡିଓ ମଧ୍ୟ ଭାଇରାଲ ହେଉଛି ଯେଉଁଥିରେ ସେ କାରରେ ତାଙ୍କ ଘରେ ପହଞ୍ଚିଛନ୍ତି । ତାଙ୍କ ପତ୍ନୀ ଲତା କବାଟ ବାହାରେ ତାଙ୍କର ଆରତୀ କରୁଛନ୍ତି ।
