ୱାଶିଂଟନ: କରୋନା ଓ ଓମିକ୍ରନ ବିଭିନ୍ନ ଦେଶରେ ଭୟଙ୍କରଭାବେ ଲୋକଙ୍କୁ ସଂକ୍ରମିତ କରିଚାଲିଛି । ଆମେରକାରେ ପରିସ୍ଥିତି ଏବେ ଅତି ସାଂଘାତିକ । ଦୈନିକ ସଂକ୍ରମଣରେ ସାରା ବିଶ୍ୱରେ ଏହା ସମସ୍ତଙ୍କୁ ଟପି ଶୀର୍ଷରେ ପହ ିଛି । ଆଜି ସ୍ଥିତି ଆହୁରି ସାଂଘାତିକ । ଗତ ୨୪ ଘଣ୍ଟାରେ ଅର୍ଥାତ ଦିନକରେ ୧୦ ଲକ୍ଷରୁ ଅଧିକ ଲୋକ କରୋନାରେ ସଂକ୍ରମିତ ହୋଇଛନ୍ତି, ଯାହାକି ଏକ ବିଶ୍ୱ ରେକଡର଼୍ । କେବେ ବି ବିଶ୍ୱର କୌଣସି ସ୍ଥାନରେ ଏତେ ସଂଖ୍ୟକ ଲୋକ ଗୋଟିଏ ଦିନରେ ସଂକ୍ରମିତ ହେବା ଦେଖାଯାଇ ନଥିଲା । ୪ ଦିନ ତଳେ ଆମେରିକାରେ ଦୈନିକ ସଂକ୍ରମଣ ୫ ଲକ୍ଷ ୯୦ ହଜାର ଥିଲା । ହେଲେ ସୋମବାରର ଦୈନିକ ସଂକ୍ରମଣ ୧୦ ଲକ୍ଷ ପାର କରିଛି । ଗତ ୨୪ ଘଣ୍ଟା ମଧ୍ୟରେ ୧,୦୦୩,୦୪୩ ଜଣଙ୍କ କରୋନା ଟେଷ୍ଟ ପଜିଟିଭ ଆସିଛି । ମହାମାରୀ କରୋନା ୨ ବର୍ଷ ତଳୁ ଆରମ୍ଭ ହୋଇଥିଲେ ମଧ୍ୟ କୌଣସି ସ୍ଥାନରେ ଏତେ ସଂଖ୍ୟକ ଆକ୍ରାନ୍ତ ଚିହ୍ନଟ ହୋଇ ନଥିଲେ ।
