ନୂଆଦିଲ୍ଲୀ : ପଞ୍ଜାବରେ ଖେଳ ସରିଯାଇଛି । ଆମ ଆଦମୀ ପାର୍ଟିର ସରକାର ଗଢ଼ିବା ନିଶ୍ଚିତ ହୋଇଯାଇଛି । କଂଗ୍ରେସରେ ଅସ୍ଥିରତା ସୃଷ୍ଟି କରି ଆସୁଥିବା ନବଜୋତ ସିଂ ସିଦ୍ଧୁ ମଧ୍ୟ ପରାଜୟର ସମ୍ମୁଖୀନ ହୋଇଛନ୍ତି ।
ଅପରପକ୍ଷରେ ସିଦ୍ଧୁ ପରାଜୟ ସ୍ୱୀକାର କରିଛନ୍ତି । ଟ୍ୱିଟ କରି ସେ ଆପକୁ ଅଭିନନ୍ଦନ ଜଣାଇଛନ୍ତି । ଲୋକଙ୍କ ସ୍ୱର ହେଉଛି ଭଗବାନଙ୍କ ସ୍ୱର । ନମ୍ରତାର ସହ ସେ ପରାଜୟକୁ ସ୍ୱୀକାର କରୁଛନ୍ତି ବୋଲି ସିଦ୍ଧୁ କହିଛନ୍ତି ।
ପୂର୍ବତନ ମୁଖ୍ୟମନ୍ତ୍ରୀ ଅମିରନ୍ଦର ସିଂ ବି ପଟିଆଲାରୁ ହାରି ଯାଇଛନ୍ତି । ବିଜେପି ସହଯୋଗରେ ସେ ନିର୍ବାଚନ ଲଢ଼ୁଥିଲେବି ଲଜ୍ଜାଜନକ ପରାଜୟ ବରଣ କରିଛନ୍ତି । ତେବେ ମୁଖ୍ୟମନ୍ତ୍ରୀ ଚରଣଜିତ ସିଂ ଚନ୍ନି ପ୍ରଥମେ ପଛରେ ପଡ଼ି ଯାଇଥିଲେବି ଜିତିବାର ସମ୍ଭାବନା ରହିଛି । ସେହିପରି ଆପ୍ ମୁଖ୍ୟମନ୍ତ୍ରୀ ପ୍ରାର୍ଥୀ ଭଗୱନ୍ତ ମାନ ବିପୁଳ ଭୋଟରେ ବିଜୟୀ ହୋଇଛନ୍ତି ।
