ଭୁବନେଶ୍ୱର,୮/୫ : ବାତ୍ୟା ଆଲର୍ଟ କାରଣରୁ ଭାରତୀୟ ମହିଳା ଲିଗ୍ ରାଉଣ୍ଡ-୭ର ଖେଳସୂଚୀରେ ପରିବର୍ତ୍ତନ କରାଯାଇଛି । ପରିବର୍ତ୍ତିତ ସୂଚୀ ଅନୁଯାୟୀ,ଆଜି ତିନୋଟି ମ୍ୟାଚ ଖେଳାଯାଇଛି । ସେହିପରି ଆସନ୍ତାକାଲି ମଧ୍ୟ ଆଉ ୩ଟି ମ୍ୟାଚ ଖେଳାଯିବ । ସେଗୁଡ଼ିକ ହେଲା ଗୋକୁଲମ କେରଳ ଏଫସି ବନାମ ଇଣ୍ଡିଆନ ଆରୋଜ,ସିର୍ବୋଦେମ ଏସସି ବନାମ ଏସଏସବି ୱିମେନ ଏଫସି ଏବଂ ହଂସ ୱିମେନ ଏଫସି ବନାମ କିକ୍ଷ୍ଟାର୍ଟ ଏଫସି । ଏହି ମ୍ୟାଚଗୁଡ଼ିକ ସପ୍ତମ ବାଟାଲିୟମ ଗ୍ରାଉଣ୍ଡ,କ୍ୟାପିଟାଲ ଗ୍ରାଉଣ୍ଡ ଓକଳିଙ୍ଗ ଷ୍ଟାଡିୟମରେ ଖେଳାଯିବ ବୋଲି ଏଆଇଏଫଏଫ ସିଇଓ ଆଜି ପ୍ରକାଶ କରିଛନ୍ତି । ସେ କହିଛନ୍ତି ଯେ ଖେଳାଳି ଓ ଟୁର୍ଣ୍ଣାମେଣ୍ଟ ସହ ସଂପୃକ୍ତ ସମସ୍ତ କର୍ମଚାରୀଙ୍କ ସୁରକ୍ଷାକୁ ନିଶ୍ଚିତ କରିବା ହେଉଚି ଆମର ସବୁଠୁ ବଡ଼ ପ୍ରାଥମିକତା ।
