ନୂଆଦିଲ୍ଲୀ,୧୨/୫: ନ୍ୟୁଜିଲାଣ୍ଡର ପୂର୍ବତନ ବ୍ୟାଟସମ୍ୟାନ୍ ଼ବ୍ରେଣ୍ଡନ୍ ମ୍ୟାକକୁଲମ୍ଙ୍କୁ ଇଂଲଣ୍ଡର ପୁରୁଷ କ୍ରିକେଟ ଦଳର ମୁଖ୍ୟ କୋଚଭାବେ ନିଯୁକ୍ତ କରାଯାଇଛି । ଇସିବି ଏକ ବିବୃତି ଜରିଆରେ ଆଜି ଏହା ଘୋଷଣା କରିଛି । ଆସନ୍ତା ଜୁନରୁ ହେବାକୁ ଥିବା ନ୍ୟୁଜିଲ୍ୟାଣ୍ଡ ବିପକ୍ଷ ଟେଷ୍ଟ ସିରିଜରୁ ତାଙ୍କର ଏହି ନୂତନ ଦାୟିତ୍ୱ ଆରମ୍ଭ ହେବ । ୪୦ ବର୍ଷିୟ ମ୍ୟାକକୁଲମ ଦଳକୁ ଠିକ ଦିଗରେ ଆଗେଇନେବେ ବୋଲି ଆଶା ବ୍ୟକ୍ତ କରି ଇଂଲଣ୍ଡର ପୁରୁଷ କ୍ରିକେଟ କ୍ଲବ ପରିଚାଳନା ନିର୍ଦ୍ଦେଶକ ରବ୍ କେ’ କହିଛନ୍ତି ଯେ ତାଙ୍କୁ କୋଚଭାବେ ପାଇ ଆମେ ଅତ୍ୟନ୍ତ ଆନନ୍ଦିତ । ମ୍ୟାକକୁଲମ ଏବେ କେକେଆରର କୋଚ ଅଛନ୍ତି । ଆଇପିଏଲ ଶେଷ ହେବା ସହ ସେ ଏହି ଦାୟିତ୍ୱରୁ ଅବ୍ୟାହତି ନେବେ । ସୂଚନାଯୋଗ୍ୟ, ଇଂଲଣ୍ଡର ମୁଖ୍ୟ କୋଚ୍ କ୍ରିସ୍ ସିଲଭରବୁଡ୍ ଆସେସରେ ହାରିବା ପରେ ନିଜ ପଦରୁ ଇସ୍ତଫା ଦେଇଥିଲେ । ତାଙ୍କ ସ୍ଥାନରେ ପଲ୍ କଲିଂଉଡକୁ କାର୍ଯ୍ୟନିର୍ବାହୀ କୋଚ୍ ଦାୟିତ୍ୱ ଦିଆଯାଇଥିଲା । ଏହାପରେ ଇଂଲଣ୍ଡ କ୍ରିକେଟ୍ ବୋର୍ଡ କୋଚ୍ ପଦ ପାଇଁ ଆବେଦନ ମାଗିଥିଲା ।
