ମୁମ୍ବାଇ: ଅଧିନାୟକ ଡୁ ପ୍ଲେସିସଙ୍କ ଅର୍ଦ୍ଧଶତକୀୟ ଇନିଂସ ଏବଂ ଓ୍ଵାନିନ୍ଦୁ ହସରଙ୍ଗାଙ୍କ ୫ ଓ୍ଵିକେଟ୍ ବଳରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ସନରାଇଜର୍ସ ହାଇଦ୍ରାବାଦକୁ ୬୭ ରନରେ ପରାସ୍ତ କରିଛି। ଏହାକୁ ମିଶାଇ ହାଇଦ୍ରାବାଦ କ୍ରମାଗତ ଚତୁର୍ଥ ପରାଜୟ ଭାଗିଛି। ୧୨ଶ ମ୍ୟାଚରୁ ସପ୍ତମ ବିଜୟ ଏବଂ ୧୪ ପଏଣ୍ଟ ସହ ପ୍ଲେ ଅଫ ଦୌଡରେ ନିଜର ସ୍ଥିତି ମଜବୁତ କରିଛି ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ। ଅନ୍ୟପଟେ ଷଷ୍ଠ ପରାଜୟ ଭୋଗିଛି ସନରାଇଜର୍ସ ହାଇଦ୍ରାବାଦ। ଦଳର ପ୍ଲେ ଅଫ ଆଶା ଏବେ ମୁସ୍କିଲ ହୋଇ ପଡିଛି।
ପ୍ରଥମେ ବ୍ୟାଟିଂ କରି ବେଙ୍ଗାଲୁରୁ ଫାଫ ଡୁପ୍ଲେସିସଙ୍କ ଅପରାଜିତ ୭୩ ରନ, ରଜତ ପାଟିଦାରଙ୍କ ୪୮ ରନ ସହ ଦିନେଶ କାର୍ତ୍ତିକ ମାତ୍ର ୮ଟି ବଲରୁ ୩୦ ରନ ବଳରେ ବେଙ୍ଗାଲୁରୁ ୩ ଓ୍ଵିକେଟ୍ ହରାଇ ୧୯୨ ରନ କରିଥିଲା। ଜବାବରେ ସନରାଇଜର୍ସ ହାଇଦ୍ରାବାଦ ୧୯.୨ ଓଭରରେ ୫ ରନରେ ଅଲଆଉଟ୍ ହୋଇ ୬୭ ରନର ପରାଜୟ ଭୋଗିଛି। ଦଳ ପକ୍ଷରୁ ରାହୁଲ ତ୍ରିପାଠୀ ୫୮ ରନ କରିଥିବା ବେଳେ ବାକି ବ୍ୟାଟସମ୍ୟାନ ବିଫଳ ହୋଇଛନ୍ତି। ଓ୍ଵାନିନ୍ଦୁ ହସରଙ୍ଗା ଘାତକ ବୋଲିଂ କରି ମାତ୍ର ୧୮ ରନ ବ୍ୟୟ କରି ୫ ଓ୍ଵିକେଟ୍ ନେଇ ଦଳ ବିଜୟରେ ପ୍ରମୁଖ ଭୂମିକା ଗ୍ରହଣ କରିଛନ୍ତି। ଜୋସ ହେଜେଲଉଡ ୧୭ ରନ ଦେଇ ୨ଟି ଓ୍ଵିକେଟ୍ ନେଇଛନ୍ତି।
