ବାଙ୍ଗାଲୁରୁ : ଭାରତ ଏବଂ ଶ୍ରୀଲଙ୍କା ମଧ୍ୟରେ ଚାଲିଥିବା ଦୁଇ ମ୍ୟାଚ ଟେଷ୍ଟ ସିରିଜର ଦ୍ୱିତୀୟ ତଥା ଶେଷ ମ୍ୟାଚ୍ ମାର୍ଚ୍ଚ ୧୨ ରୁ ବେଙ୍ଗାଲୁରୁର ଏମ ଚିନ୍ନାସ୍ୱାମୀ ଷ୍ଟାଡିୟମରେ ଖେଳାଯିବ । ଏହି ଟେଷ୍ଟ ଗୋଲାପୀ ବଲ ସହିତ ଖେଳାଯିବ । ଭାରତରେ ତୃତୀୟ ଥର ପାଇଁ ପିଙ୍କ ଟେଷ୍ଟ ଖେଳାଯିବାକୁ ଥିବା ବେଳେ ଭାରତ ବିଦେଶରେ ଗୋଟିଏ ମ୍ୟାଚ୍ ଖେଳିଛି ।
ଗୋଲାପୀ ବଲ ବିପକ୍ଷରେ ଭାରତୀୟ ବ୍ୟାଟ୍ସମ୍ୟାନ୍ଙ୍କ ରେକର୍ଡ ବିଷୟରେ କହିବାକୁ ଗଲେ ବିରାଟ କୋହଲିଙ୍କ ଜଲଓକ୍ୱା ରହିଛି । ସେ ଭାରତୀୟ ଖେଳାଳିଙ୍କ ମଧ୍ୟରେ ସର୍ବାଧିକ ରନ୍ ସ୍କୋର କରିଛନ୍ିତ । କୋହଲି ବର୍ତ୍ତମାନ ପର୍ଯ୍ୟନ୍ତ ଖେଳିଥିବା ୩ଟି ଦିବରାତ୍ରୀ ଟେଷ୍ଟରେ ୨୪୧ ରନ୍ ସଂଗ୍ରହ କରିଛନ୍ତି, ଯାହା ଭାରତରେ ଗୋଲାପୀ ବଲ୍ ବିପକ୍ଷରେ କୋହଲିଙ୍କ ହାରାହାରି ଆହୁରି ଭଲ । ଘରୋଇ ଗୋଲାପୀ ବଲ୍ ଟେଷ୍ଟରେ ବିରାଟ କୋହଲି ହାରାହାରି ୮୧.୫୦ ରନ୍ ସଂଗ୍ରହ କରିଛନ୍ତି ।
ରନ୍ ମେସିନ୍ ବିରାଟ କୋହଲି ତାଙ୍କର ପ୍ରଥମ ଗୋଲାପୀ ବଲ୍ ଟେଷ୍ଟରେ ବାଂଲାଦେଶ ବିପକ୍ଷରେ ଏକ ଶତକ ହାସଲ କରିଥିଲେ । ସେହି ସମୟ ମଧ୍ୟରେ କିଙ୍ଗ କୋହଲି ୧୮ ଟି ଚୌକା ସହାୟତାରେ ୧୯୪ ବଲରେ ୧୩୬ ରନର ଇନିଂସ ଖେଳିଥିଲେ । କୋହଲିଙ୍କ ବ୍ୟତୀତ ଅନ୍ୟ କୌଣସି ଭାରତୀୟ ବ୍ୟାଟ୍ସମ୍ୟାନ୍ ଦିବରାତ୍ରୀ ଟେଷ୍ଟରେ ଶତକ ହାସଲ କରିବାରେ ସକ୍ଷମ ହୋଇନାହାଁନ୍ତି । କୋହଲିଙ୍କ ପରେ ଗୋଲାପୀ ବଲ୍ ଟେଷ୍ଟରେ ରୋହିତ ଶର୍ମା ସର୍ବାଧିକ ସ୍କୋର କରିଛନ୍ତି । ରୋହିତ ୯୬ ଟି ବଲରୁ ଅହମ୍ମଦାବାଦରେ ଇଂଲଣ୍ଡ ବିପକ୍ଷରେ ୬୬ ରନ୍ ସଂଗ୍ରହ କରିଥିଲେ ।
୨୦୧୯ ଠାରୁ ବିରାଟ କୋହଲିଙ୍କ ବ୍ୟାଟର ଆଉ ଶତକ ଦେଖିବାକୁ ମିଳୁନାହିଁ । ଏହାର ଅବସାନ ଆସନ୍ତାକାଲି ବାଙ୍ଗାଲୁରୁ ଟେଷ୍ଟରେ କରିବେ ବୋଲି ତାଙ୍କ ପ୍ରଶଂସକମାନେ ଆଶା କରିଛନ୍ତି । ଆଇପିଏଲରେ କୋହଲି ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ପାଇଁ ଖେଳନ୍ତି ଏବଂ ଏହା ହେଉଛି ତାଙ୍କ ଘରୋଇ ପରିବେଶ । ଏଭଳି ପରିସ୍ଥିତିରେ କୋହଲି ଗୋଲାପୀ ବଲ୍ ଟେଷ୍ଟରେ ପ୍ରଶଂସକଙ୍କ ଆଉ ଏକ ଶତକ ଗିଫ୍ଟ ଦେଇ ଶତକ ମରୁଡିର ଅନ୍ତ ଘଟାଇବେ ବୋଲି ସମସ୍ତେ ଆଶା ରଖିଛନ୍ତି ।
