ନୂଆଦିଲ୍ଲୀ : ଷ୍ଟାର ଅଲରାଉଣ୍ଡର ଆଣ୍ଡ୍ରେ ରସେଲଙ୍କ ଚମତ୍କାର ପ୍ରଦର୍ଶନ ଯୋଗୁଁ ଡେକାନ୍ ଗ୍ଲାଡିଏଟର୍ସ ପ୍ରଥମ ଥର ପାଇଁ ଆବୁଧାବି ଟି-୧୦ ଲିଗ୍ ଚାମ୍ପିଅନ୍ ହେବାର ସୌଭଗ୍ୟ ଅର୍ଜନ କରିଛି । ଶେଖ ଜାଏଦ ଷ୍ଟାଡିୟମରେ ଖେଳାଯାଇଥିବା ଟାଇଟଲ ମ୍ୟାଚରେ ଡେକାନ ଗ୍ଲାଡିଏଟର୍ସ ଦିଲ୍ଲୀ ବ୍ଲୁସକୁ ୫୬ ରନରେ ପରାସ୍ତ କରିଛି । ଡେକାନ୍ ଗ୍ଲାଡିଏଟର୍ସ କୌଣସି ୱିକେଟ୍ ନ ହରାଇ ୧୦ ଓଭରରେ ୧୫୯ ରନ୍ ସଂଗ୍ରହ କରିଥିଲେ । ଏହା ପରେ ଦିଲ୍ଲୀ ବ୍ଲୁସ୍ ଦଳ ନିର୍ଦ୍ଧାରିତ ୧୦ ଓଭରରେ ୭ ୱିକେଟ୍ ହରାଇ ୧୦୩ ରନ କରିପାରିଥିଲା ।
ଡେକାନ ଦଳ ପ୍ରଥମ ବ୍ୟାଟିଂ କରି ୧୦ ଓଭରରେ ୧୫୯ ରନ କରିଥିଲା । ଦଳ ପକ୍ଷରୁ ଆଣ୍ଡ୍ରେ ରସେଲ ବିସ୍ଫୋରକ ୩୨ ବଲରେ ୯୦ ରନ କରିଥିବା ବେଳେ କ୍ୟାଡମୋର ୨୮ ବଲରେ ୫୯ ରନ କରିଥିଲେ । ମ୍ୟାଚରେ ରସେଲ ପ୍ଲେୟାର ଅଫ ଦି ମ୍ୟାଚ୍ ହୋଇଥିବା ବେଳେ ଶ୍ରୀଲଙ୍କାର ୱାନିନ୍ଦୁ ହାସରାଙ୍ଗା ଏହି ଟି -୧୦ ଲିଗରେ ମ୍ୟାନ୍ ଅଫ୍ ଦି ସିରିଜ୍ ହୋଇଥିଲେ ।
