ନୂଆଦିଲ୍ଲୀ : ବିବାହ ବନ୍ଧନରେ ବାନ୍ଧି ହୋଇଛନ୍ତି ଭାରତୀୟ କ୍ରିକେଟ ଜଗତର ଆଉ ଜଣେ ଯୁବ କ୍ରିକେଟର । ସେ ହେଉଛନ୍ତି ରାହୁଲ ଚହର । ବୁଧବାର ଗୋଆରେ ନିଜର ନିକଟ ସମ୍ପର୍କୀୟଙ୍କ ଗହଣରେ ପ୍ରେମିକା ଇଶାନୀ ଜୋହରଙ୍କୁ ବିବାହ କରିଛନ୍ତି ରାହୁଲ । ରାହୁଲଙ୍କ ବାହାଘରରେ ଭାଇ ଦୀପକ ଚହର ମଧ୍ୟ ଉପସ୍ଥିତ ଥିଲେ । ବିବାହ ପୂର୍ବରୁ ହୋଟେଲରେ ହଳଦୀ ଉତ୍ସବ ମଧ୍ୟ ହୋଇଥିଲା । ଯେଉଁଥିରେ ରାହୁଲ ଓ ଦୀପକଙ୍କୁ ବେଶ ମଜାଳିଆ ଅନ୍ଦାଜରେ ଦେଖିବାକୁ ମିଳିଥିଲା । ପ୍ରେମିକା ଇଶାନୀଙ୍କ ସହ ରାହୁଲଙ୍କର ଗତ ୨୦୧୯ରେ ନିର୍ବନ୍ଧ ଶେଷ ହୋଇଥିଲା । କିନ୍ତୁ କରୋନା କାରଣରୁ ବାହାଘରକୁ ଘୁଞ୍ଚାଇଥିଲେ ରାହୁଲ । ଦୀର୍ଘଦିନ ଧରି ଇଶାନୀଙ୍କୁ ଡେଟିଂ କରୁଥିଲେ ରାହୁଲ । ନିଜ ହଳଦୀ ସେରିମନିର ଫଟୋ ମଧ୍ୟ ଇନଷ୍ଟାଗ୍ରାମ ପେଜରେ ସେୟାର କରିଛନ୍ତି ରାହୁଲ ।
