ସୁବର୍ଣ୍ଣପୁର : ସୁବର୍ଣ୍ଣପୁର କଲେଜ ପଡିଆ ଠାରେ ସମଲେଇଶ୍ୱରୀ ସ୍ପୋର୍ଟିଂ କ୍ଳବ ଘୋଡାଘାଟପଡ଼ା ପକ୍ଷରୁ ୧୬ ତମ ସୁଜିତ ମେମୋରିଆଲ କ୍ରିକେଟ ଟୁର୍ଣ୍ଣାମେଣ୍ଟକୁ ଉଦଘାଟନ କରାଯାଇଛି । ସୁବର୍ଣ୍ଣପୁର ଅତିରିକ୍ତ ଜ଼ିଲ୍ଲାପାଳ ସୂର୍ଯ୍ୟନାରାୟଣ ଦାଶ ମୁଖ୍ୟ ଅତିଥି ଭାବେ ଯୋଗ ଦେଇ ଏହାକୁ ଉଦଘାଟନ କରି ଖେଳୁଆଡ଼ ମନୋଭାବ ନେଇ ଆଗକୁ ବଢିଲେ କ୍ରୀଡାବିତର ଭବିଷ୍ୟତ ଉଜ୍ୱଳ ହୋଇଥାଏ ବୋଲି ମତ ରଖିଥିଲେ । ସମ୍ମାନିତ ଅତିଥି ଭାବେ ବିଶିଷ୍ଟ ସମାଜସେବୀ ଶ୍ରୀବତ୍ସ ମଲ୍ଲିକ, ଭେଟେରାନ କ୍ରୀଡ଼ାବିତ ରଘୁନାଥ ସାହୁ, ଦିଲ୍ଲୀପ ଗୁରୁ, ବାପୁଜୀ କ୍ଲବ ସଭାପତି ଶିବ ପ୍ରସାଦ ଗୁରୁ, ଓ ସିଏ ଓମ୍ପେୟାର ବଳରାମ ପଟ୍ଟନାୟକ ଯୋଗ ଦେଇ ଖେଳାଳିଙ୍କୁ ଉତ୍ସାହିତ କରିଥିଲେ । ଉଦ୍ଘାଟନୀ ମ୍ୟାଚରେ ଏମବିକେସିସି ଖାରିକୁ ହରାଇ ସୋନପୁର ଭଗବତୀ ସ୍ପୋର୍ଟିଂ ବିଜୟୀ ହୋଇଥିବା ବେଳେ ଏହି ଟୁର୍ଣ୍ଣାମେଣ୍ଟ ରେ ୨୦ ତାରିଖ ଯାଏ ପ୍ରତ୍ୟେହ ସାତ ଗୋଟି ମ୍ୟାଚ ଓ ଫାଇନାଲରେ ପାଞ୍ଚୋଟି ମ୍ୟାଚ ଖେଳାଯିବ ଓ ସାତ ଓ ଭୋର ବିଶିଷ୍ଟ ପ୍ରତିଟି ଧମାକା ମ୍ୟାଚରେ ଆଠ ଗୋଟି ଖେଳାଳୀ ଭାଗ ନେଇପାରିବେ ବୋଲି ଆୟୋଜକ କମିଟି ପକ୍ଷରୁ ସୂଚନା ମିଳିଛି ।
