ଢାକା : ବାଂଲାଦେଶର ଅଲରାଉଣ୍ଡର ଶାକିବ ଅଲ ହାସନ ମଙ୍ଗଳବାର କୋଭିଡ ପଜିଟିଭ ଚିହ୍ନଟ ହୋଇଚନ୍ତି । ଏହାପରେ ଚାଟୋଗ୍ରାମରେ ହେବାକୁ ଥିବା ଶ୍ରୀଲଙ୍କା ବିପକ୍ଷ ପ୍ରଥମ ଟେଷ୍ଟରୁ ତାଙ୍କୁ ବାଦ ଦିଆଯାଇଛି । ସେ ବର୍ତ୍ତମାନ ଆଇସୋଲେସନରେ ଅଛନ୍ତି । ଖେଳାଳିମାନେ ସୋମବାର ଚାଟୋଗ୍ରାମରେ ଟ୍ରେନିଂ ଆରମ୍ଭ କରିବାର ଦୁଇ ଦିନ ପରେ ବୁଧବାର ବାଂଲାଦେଶ ଟେଷ୍ଟ ଦଳରେ ଯୋଗଦେବା କଥା ଥିଲା । ବାଂଲା କ୍ରିକେଟ ବୋଡର଼୍ ପକ୍ଷରୁ ଆଜି ଜାରି ହୋଇଥିବା ପ୍ରେସ ରିଲିଜରେ କୁହାଯାଇଛି ଯେ ଶାକିବ କିଛି ଦିନ ପାଇଁ ସଙ୍ଗରୋଧରେ ରହିବା ପରେ ତାଙ୍କର ପୁଣି କୋଭିଡ ଟେଷ୍ଟ ହେବ ।
