ନୂଆଦିଲ୍ଲୀ : ଆଜି ଭାରତୀୟ ମହିଳା କ୍ରିକେଟ୍ ଦଳ ଓପନର୍ ସ୍ମୃତି ମନ୍ଧନାଙ୍କ ପାଇଁ ଏକ ବିଶେଷ ଦିନ ଥିଲା । ସ୍ମୃତି ମନ୍ଧନା ଏକ ସ୍ୱତନ୍ତ୍ର କ୍ଲବରେ ପ୍ରବେଶ କରିଛନ୍ତି ଯେଉଁଥିରେ ଭାରତୀୟ ଦଳର ଅଧିନାୟକ ରୋହିତ ଶର୍ମା, ପୂର୍ବତନ ଅଧିନାୟକ ବିରାଟ କୋହଲି, ପୂର୍ବତନ ମହିଳା ଅଧିନାୟକ ମିତାଲି ରାଜ ଏବଂ ବର୍ତ୍ତମାନର ଅଧିନାୟକ ହରମାନପ୍ରୀତ କୌର ଅଛନ୍ତି ।ସ୍ମୃତି ମନ୍ଧନା ଟି-୨୦ ଆନ୍ତର୍ଜାତୀୟ କ୍ରିକେଟରେ ୨୦୦୦ ରନ୍ ପୂରଣ କରିଛନ୍ତି ଏବଂ ସେ ଏହା କରିବା ପାଇଁ ଭାରତର ପଞ୍ଚମ କ୍ରିକେଟର ହୋଇଛନ୍ତି ।
ବାମହାତୀ ବ୍ୟାଟ୍ସମ୍ୟାନ୍ ସ୍ମୃତି ମନ୍ଧନା, ରୋହିତ ଶର୍ମା, ବିରାଟ କୋହଲି, ମିତାଲି ରାଜ ଏବଂ ହରମାନପ୍ରୀତ କୌର ଭାରତ ପାଇଁ ଟି -୨୦ ଆନ୍ତର୍ଜାତୀୟ କ୍ରିକେଟରେ ୨୦୦୦ ରନ୍ ପୂରଣ କରିଛନ୍ତି । ତେବେ ରୋହିତ ଏବଂ ବିରାଟ ୩,୦୦୦ ରୁ ଅଧିକ ରନ୍ ସଂଗ୍ରହ କରିଥିବାବେଳେ ମିତାଲି ଓ ହରମାନପ୍ରୀତ ଏହି କ୍ଷୁଦ୍ରତମ ଫର୍ମାଟରେ ୨୦୦୦ ରୁ ଅଧିକ ରନ୍ ପୂରଣ କରିବାରେ ସଫଳ ହୋଇଛନ୍ତି ।
ଶ୍ରୀଲଙ୍କା ବିପକ୍ଷରେ ତୃତୀୟ ଟି-୨୦ ଇଣ୍ଟରନ୍ୟାସନାଲରେ ସ୍ମୃତି ମନ୍ଧନା ୧୧ ରନ୍ ସଂଗ୍ରହ କରିବା ମାତ୍ରେ ତାଙ୍କର ୨୦୦୦ ରନ୍ ଟି-୨୦ ଆନ୍ତର୍ଜାତୀୟ କ୍ରିକେଟ୍ ରେ ଶେଷ ହୋଇଥିଲା । ଯଦିଓ, ସେ ଏହି ମ୍ୟାଚରେ ମାତ୍ର ୨୨ ରନ୍ ସ୍କୋର କରିପାରିଥିଲେ, କିନ୍ତୁ ତାଙ୍କ ନାମରେ ଏକ ବଡ଼ ସଫଳତା ଯୋଡି ହୋଇଯାଇଛି । ସ୍ମୃତି ମନ୍ଧନା ୧୪ ଟି ଅର୍ଦ୍ଧଶତକ ସହ ୮୬ ଟି ମ୍ୟାଚରେ ୨୦୦୦ ରନ୍ ସମାପ୍ତ କରିଛନ୍ତି । ଓପନିଂ ବେଳେ ତାଙ୍କର ସର୍ବାଧିକ ସ୍କୋର ୮୬ ରହିଛି ।
