ନୂଆଦିଲ୍ଲୀ:ଭାରତୀୟ ମହିଳା କ୍ରିକେଟ ଦଳର ଷ୍ଟାର ଅଲରାଉଣ୍ଡର ଦୀପ୍ତି ଶର୍ମା ICC ମହିଳା T20 ଆନ୍ତର୍ଜାତୀୟ ରାଙ୍କିଙ୍ଗରେ ଦ୍ୱିତୀୟ ସ୍ଥାନରେ ପହଞ୍ଚିଛନ୍ତି। ଏହା ସହିତ, ସେ ନମ୍ବର 1 ବୋଲର ହେବାର ଦ୍ୱାରଦେଶରେ ଅଛନ୍ତି। ଦୀପ୍ତି ଗତ 6 ବର୍ଷ ମଧ୍ୟରେ ଅଧିକାଂଶ ସମୟ T20 ବୋଲରଙ୍କ ରାଙ୍କିଙ୍ଗରେ ଶୀର୍ଷ 10 ରେ ଅଛନ୍ତି।
T20 ଆନ୍ତର୍ଜାତୀୟ ରାଙ୍କିଙ୍ଗର ସଦ୍ୟତମ ଅପଡେଟରେ, ଦୀପ୍ତି ଗୋଟିଏ ସ୍ଥାନ ହାସଲ କରିଛନ୍ତି। ସେ ଅଷ୍ଟ୍ରେଲିଆର ଦ୍ରୁତ ବୋଲର ଆନାବେଲ ସଦରଲ୍ୟାଣ୍ଡଙ୍କୁ ପଛରେ ପକାଇ ଦ୍ୱିତୀୟ ସ୍ଥାନ ଅଧିକାର କରିଛନ୍ତି। ଏହି ଡାହାଣହାତୀ ବୋଲର ଏବେ ରାଙ୍କିଙ୍ଗର ଶୀର୍ଷରେ ଥିବା ପାକିସ୍ତାନର ସାଦିଆ ଇକବାଲଙ୍କଠାରୁ ମାତ୍ର 8 ରେଟିଂ ପଏଣ୍ଟ ପଛରେ ଅଛନ୍ତି।
ଇଂଲଣ୍ଡ ବିପକ୍ଷରେ ଭାରତର ପାଞ୍ଚ ମ୍ୟାଚ୍ ବିଶିଷ୍ଟ ଟି20 ସିରିଜର ତୃତୀୟ ମ୍ୟାଚ୍ ରେ ତିନୋଟି ୱିକେଟ ନେବା ପରେ ଦୀପ୍ତି ତାଙ୍କର ସଦ୍ୟତମ ରାଙ୍କିଙ୍ଗରେ ଉନ୍ନତି ଆଣିଛନ୍ତି ଏବଂ ଏହି ଅଫ୍-ସ୍ପିନର ଗତ ଦୁଇଟି ମ୍ୟାଚ୍ ରେ ଭଲ ପ୍ରଦର୍ଶନ କରି ପାକିସ୍ତାନର ସାଦିଆ ଇକବାଲଙ୍କୁ ପଛରେ ପକାଇ ପାରିବେ।
ଅନ୍ୟପକ୍ଷରେ, ଭାରତର ଦ୍ରୁତ ବୋଲର ଅରୁନ୍ଧତୀ ରେଡ୍ଡୀ ଓଭାଲରେ ଇଂଲଣ୍ଡ ବିପକ୍ଷରେ ଖେଳାଯାଇଥିବା ସଦ୍ୟତମ ମ୍ୟାଚ୍ରେ ତିନୋଟି ୱିକେଟ ନେବା ପରେ ଟି-୨୦ ବୋଲରଙ୍କ ତାଲିକାରେ ୧୧ ସ୍ଥାନ ଉପରକୁ ଉଠି ୪୩ତମ ସ୍ଥାନରେ ପହଞ୍ଚିଛନ୍ତି। ବ୍ୟାଟ୍ସମ୍ୟାନଙ୍କ ମଧ୍ୟରେ ଜେମିମା ରଡ୍ରିଗ୍ସ ଦୁଇଟି ସ୍ଥାନ ଉପରକୁ ଉଠି ୧୨ତମ ସ୍ଥାନରେ ପହଞ୍ଚିଛନ୍ତି।
