ଯାଜପୁର:

ଭାଇକୁ ହତ୍ୟା କଲା ଭାଇ, ଭାଇ ହେଲା ବଇରୀ । ପୂର୍ବ ଶତ୍ରୁତାରୁ ସମ୍ପର୍କିୟ ଭାଇକୁ କଟୁରୀରେ ହାଣି ହତ୍ୟା କଲା ଭାଇ । ଏମିତି ଅଭାବନୀୟ ଘଟଣା ଘଟିଛି ଯାଜପୁର ଜିଲ୍ଲା ଟାଉନ ଥାନା ଅଞ୍ଚଳରେ । ମୃତକ ହେଲେ ପ୍ରକାଶ ଦାସ ।
ସୂଚନା ଅନୁସାରେ ମୃତକ ସକାଳୁ ସମିତିସଭ୍ୟଙ୍କ ସହ କଥା ହେଉଥିବା ବେଳେ ଅଭିଯୁକ୍ତ ଦେବ ପ୍ରସାଦ ମଲ୍ଲିକ ପହଞ୍ଚି ପୁରୁଣା କଥାକୁ ନେଇ ପ୍ରକାଶଙ୍କ ସହ ଯୁକ୍ତିତର୍କ କରିଥିଲେ । ପରେ ବସଚା ଏବଂ କ୍ଷମା ପ୍ରାର୍ଥନା ଆଳରେ ଲୁଚାଇ ରଖିଥିବା କଟୁରୀରେ ବେକକୁ ଚୋଟ ପକାଇଥିଲେ । ଗୁରୁତର ଅବସ୍ଥାରେ ପ୍ରକାଶଙ୍କୁ ଯାଜପୁର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଯାଜପୁର ପୋଲିସ ଘଟଣା ସ୍ଥଳରେ ପହଞ୍ଚି ଅଭିଯୁକ୍ତକୁ ଅଟକ ରଖି ପଚରାଉଚରା କରୁଛି ।