ସୁବର୍ଣ୍ଣପୁର,୧୨/୧୨-

ଆଜି ସ୍ୱଚ୍ଛ ଭାରତ ସଂଗଠନ ସୋନପୁର -ମନମୁଣ୍ଡା ପକ୍ଷରୁ ସ୍ଥାନୀୟ ଐତିହାସିକ ପୀଠ ତ୍ରିବେଣୀସଙ୍ଗମ ଶ୍ରୀ ଶ୍ରୀ ରାମେଶ୍ୱର ମନ୍ଦିର ଠାରେ ସାପ୍ତାହିକ ସଫେଇ ଅଭିଯାନ ଅନୁଷ୍ଠିତ ହୋଇଯାଇଛି । ସଂଗଠନର ସଭାପତି ଲକ୍ଷ୍ମୀ ନାରାୟଣ ମେହେରଙ୍କ ପରାମର୍ଶକ୍ରମେ ବରିଷ୍ଠସଭ୍ୟ ଗରିବ ଲୋଇ ଓ ଅଶୋକ ହୋତାଙ୍କ ତତ୍ୱାବଧାନ ଓ ଉପ -ସଭାନେତ୍ରୀ ଇନ୍ଦୁମତୀ ପୁରୋହିତଙ୍କ ନେତୃତ୍ୱରେ ଏହି ଶିବିର ଅନୁଷ୍ଠିତ ହୋଇଛି । ଏହି ଅଭିଯାନରେ ମନୋରଞ୍ଜନ ତ୍ରିପାଠୀ ସଂଯୋଜନା କରିଥିବାବେଳେ ଅଭିମନ୍ୟୁ କୁଶଳ, ପ୍ରହଲ୍ଲାଦ ମିଶ୍ର, ପ୍ରମୋଦ ସାହୁ, ଲଡ଼ୁ କିଶୋର ମଲ୍ଲିକ, ସିମାଞ୍ଚଳ ହୋତା, ତରଣୀ ମେହେର, ପ୍ରଫୁଲ୍ଲ ନାଏକ, ଗୋପାଳ ମେହେର, ଜୟନ୍ତ ବେହେରା, ,ତ୍ରିଲୋଚନ ତରିଆ, କ୍ରିଷ୍ଣା ମେହେର ପ୍ରମୁଖ ସମସ୍ତ ସକ୍ରିୟ ସଭ୍ୟ ଯୋଗଦେଇ ସଫେଇ କରିଥିଲେ ।

ସୁବର୍ଣ୍ଣପୁରର ଏହି ଐତିହାସିକ ପୀଠ ଓ ପର୍ଯ୍ୟଟନ କ୍ଷେତ୍ରରେ ନୂଆଁବର୍ଷରେ ଭୋଜିକରିବା ପାଇଁ ଡିସେମ୍ବର ଓ ଜାନୁଆରୀ ମାସରେ ସହର ନିକଟସ୍ଥ ଲୋକନାଥ ମନ୍ଦିର, ରାମେଶ୍ୱର ମନ୍ଦିର , ସୁବର୍ଣ୍ଣମେରୁ ମନ୍ଦିର, ମା ସୁରେଶ୍ୱରୀ, ମା ଲଙ୍କେଶ୍ୱରୀ ମନ୍ଦିର ଆଖଆଖ ଅଂଚଳରେ ପ୍ରତିବର୍ଷ ବଣଭୋଜି ପାଇଁ ରାଜ୍ୟ ସାରା ଲୋକଙ୍କ ଭିଡ଼ ଜମୁଥିବାରୁ ସ୍ୱଚ୍ଛଭାରତ ସଂଗଠନ ସୋନପୁର -ମନମୁଣ୍ଡା ଓ ସ୍ଥାନୀୟ ପୌର ପରିଷଦର ମିଳିତ ସହଯୋଗରେ ସହରର ବିଭିନ୍ନ ମନ୍ଦିର ଓ ପର୍ଯ୍ୟଟନ କ୍ଷେତ୍ରରେ ସ୍ୱତନ୍ତ୍ର ସଫେଇ ଅଭିଯାନ ଜାରିରହିବ ବୋଲି ସଂଗଠନ ସଭାପତି ଲକ୍ଷ୍ମୀନାରାୟଣ ମେହେର, ଉପଦେଷ୍ଟା ସୟଦ ଅଲିମୁଲ ଇସଲାମ ପ୍ରକାଶ କରିଛନ୍ତି ।