ନୟାଗଡ : ନୟାଗଡ ଜିଲ୍ଲା ନୂଆଗାଁ ଷ୍ଟେସନ ନିକଟରୁ ଜଣେ ନାବାଳିକା ଉଦ୍ଧାର କରାଯାଇଛି । ଘଟଣାରୁ ଜଣାପଡିଛି ଯେ, ଗତକାଲି ବିଳମ୍ବିତ ରାତିରେ ନାବାଳିକାଟି ଟ୍ରେନରେ ଆସି ନୂଆଗାଁ ଷ୍ଟେସନରେ ବୁଲୁଥିବାର ଷ୍ଟେସନ ଆରପିଏଫ ପିଲାଟିକୁ ଦେଖିଥିଲେ । ପିଲାଟିକୁ ପଚରାଉଚରା କରିବା ପରେ ଜଣା ପଡିଲା ପିଲାଟି ହିନ୍ଦୀ ଭାଷାରେ କହୁଛି ସେ ଉତ୍ତରପ୍ରଦେଶର ପ୍ରୟାଗରାଜ ବୋଲି ସେ କହିଥିଲା । ତାକୁ ସୁରକ୍ଷିତ ଭାବରେ ଷ୍ଟେସନ ମଧ୍ୟରେ ରଖାଯାଇଥିଲା । ପରେ ଚାଇଲ୍ଡ ଲାଇନକୁ ୧୦୯୮ ନମ୍ବରରେ ଖବର ଦିଆଯାଇଥିଲା । ଚାଇଲ୍ଡ ଲାଇନ ଟିମ ସେ ପିଲାକୁ ଉଦ୍ଧାର କରି ଜ଼ିଲ୍ଲା ଶିଶୁ ମଙ୍ଗଳ ସମିତିରେ ହାଜର କରାଇଥିଲେ । ତତ୍ପରେ ନାବାଳିକାଟିକୁ ସଖୀକେନ୍ଦ୍ରରେ ରଖାଯାଇଛି । ଘଟଣା ସ୍ଥଳରେ ନୂଆଗାଁ ଷ୍ଟେସନ ମାଷ୍ଟ୍ର ସରୋଜ ରାଉତରାୟ, ଆରପିଏଫ ସୁବ୍ରତ ମହାରଣା ଓ ଚାଇଲ୍ଡଲାଇନର କାଉନସିଲର ଚନ୍ଦ୍ରଶେଖର ବେହେରା ଓ ସୁଜାତା ବେହେରା ଉପସ୍ଥିତ ଥିଲେ ।
