ଦଶପଲ୍ଲା : ୨୦୨୪ ସାଧାରଣ ନିର୍ବାଚନକୁ ଦୃଷ୍ଟିରେ ରଖି ରାଜ୍ୟ ସରକାର ଓଏଏସ ସ୍ତରରେ ବଡ଼ ଧରଣର ଅଦଳବଦଳ କରିଛନ୍ତି । ଫଳରେ ନୟାଗଡ଼ ତହସିଲଦାର ଭିକାରୀ ସାହୁଙ୍କୁ ଖଜୁରୀପଡ଼ା ତହସିଲଦାର ଭାବେ ନିଯୁକ୍ତ କରାଯାଇଥିବା ବେଳେ ନୟାଗଡ଼ର ଅତିରିକ୍ତ ତହସିଲଦାର ରାଜେଶ କେଶରୀ ସ୍ୱାଇଁଙ୍କୁ ନୟାଗଡ଼ ତହସିଲଦାର ଭାବେ ନିଯୁକ୍ତ କରାଯାଇଛି । ସେହିପରି ଓଡ଼ଗାଁ ତହସିଲଦାର ଅନିଲ କୁମାର ଆଚାର୍ଯ୍ୟଙ୍କୁ ରେଙ୍ଗାଲି ତହସିଲଦାର ଭାବେ ବଦଳି କରାଯାଇଥିବା ବେଳେ କଟକ ତହସିଲଦାର ମାନସ ରଞ୍ଜନ ଭୋଇଙ୍କୁ ଓଡ଼ଗାଁ ତହସିଲଦାର ଭାବେ ନିଯୁକ୍ତ କରାଯାଇଛି । ବେଲଗୁଣ୍ଠାର ବିଡିଓ ରୋଶନ ଶତପଥୀଙ୍କୁ ବଦଳି କରାଯାଇ ନୟାଗଡ଼ ଜିଲା ଦଶପଲ୍ଲା ତହସିଲଦାର ଭାବେ ନିଯୁକ୍ତ କରାଯାଇଛି । ମୋହନା ବିଡ଼ିଓ ତପସ୍ୱିନୀ ହାସଁଦାଙ୍କୁ ବଦଳି କରାଯାଇ ନୟାଗଡ଼ ଡେପୁଟି କଲେକ୍ଟର ଭାବେ ନିଯୁକ୍ତ କରାଯାଇଛି । ସେହିପରି କେନ୍ଦ୍ରାପଡ଼ାର ଡେପୁଟି କଲେକ୍ଟର ଆନନ୍ୟା ତ୍ରିପାଠୀଙ୍କୁ ନୟାଗଡ଼ ଡେପୁଟି କଲେକ୍ଟର ଭାବେ ବଦଳି କରାଯାଇଛି । ବୁଗୁଡ଼ା ବିଡିଓ ବାସୁଦେବ ନାୟକଙ୍କୁ ନୟାଗଡ଼ ଜିଲା ନୂଆଗାଁ ବ୍ଲକ ବିଡ଼ିଓ ଭାବେ ନିଯୁକ୍ତ କରାଯାଇଛି । ନୟାଗଡ଼ର ଡେପୁଟି କଲେକ୍ଟର ଅରୁଣ କୁମାର ଦାସଙ୍କୁ ବଦଳି କରାଯାଇ ଓଡ଼ିଶା ସିଡ଼୍ସ୍ କର୍ପୋରେସନ ଆଡମିନିଷ୍ଟ୍ରେସନ ଅଧିକାରୀ ଭାବେ ନିଯୁକ୍ତ କରାଯାଇଥିବା ସୂଚନା ମିଳିଛି ।
