ନୟାଗଡ : ଜାତୀୟ ରାଜପଥ ୫୭ ଅଛୁପଡା ନିକଟରେ ଘଟିଛି ମର୍ମନ୍ତୁଦ ଦୁର୍ଘଟଣା । ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ଭାବେ ଆହତ ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁସାରେ ଦଶପଲ୍ଲାରୁ ନୟାଗଡ ଯାଉଥିବା ସମୟରେ ଏକ କଳା ରଙ୍ଗର ପଲ୍ସର ବାଇକ ଗଛକୁ ଧକ୍କା ଦେଇଥିଲା । ଏଥିରେ ଆହତଙ୍କୁ ଅଗ୍ନିଶମ ବାହିନୀ ଦ୍ୱାରା ଉଦ୍ଧାର କରାଯାଇ ଦଶପଲ୍ଲା ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ଏଥିରେ ବିଜୟ କୁମାର ପ୍ରଧାନ ନାମକ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଥିବା ବେଳେ ବୁଲୁ ସାହୁ ଗୁରୁତର ଭାବେ ଆହତ ହୋଇଛନ୍ତିା ଉଭୟେ ନିଜ ବାଇକ୍ ଓଡି ୦୨ ବିୟୁ ୫୭୭୨ ନବରଙ୍ଗପୁରରୁ ନିଜ ଗ୍ରାମ ରଣପୁର ଥାନା ଅନ୍ତର୍ଗତ ଲଖନପୁର ଫେରୁଥିବା ବେଳେ ଆଛୁପଡାଠାରେ ବାଇକ୍ ରାସ୍ତା କଡ ଏକ ଗଛ ସହିତ ଧକ୍କା ହୋଇ ଏଭଳି ଦୁଃଖଦ ଘଟଣା ଘଟିଥିବାର ଜଣାପଡିଛି ।
