ଚମ୍ପୁଆ: ଚମ୍ପୁଆ ଥାନା ଅନ୍ତଗର୍ତ କାଳିକାପ୍ରସାଦଠାରେ ଆଜି ଅପରାହ୍ନରେ ରାସ୍ତା କଡକୁ ଏକ ଟ୍ରଲର ପଶିଯିବାରୁ ଅଳ୍ପକେ ନିକଟରେ ଥିବା ଜନସେବା କେନ୍ଦ୍ର ଓ ଜନ ସାଧାରଣ ବର୍ତ୍ତୀ ଥିବା ଜଣାଯାଇଛି । ମଦୁଆ ଟ୍ରଲର ଡ୍ରାଇଭର ଦ୍ୱାରା ଏହି ଦୁର୍ଘଟଣା ଘଟିଥିବା ବେଳେ ବାରମ୍ବାର କାଳିକାପ୍ରସାଦ ଠାରେ ଟ୍ରଲର ଜନିତ ଦୁର୍ଘଟଣା ବୃଦ୍ଧି ପାଉଥିବାରୁ ସ୍ଥାନୀୟ ବାସୀ ଅସନ୍ତୋଷ ପ୍ରକାଶ କରିଛନ୍ତି । ଚମ୍ପୁଆରୁ ରିମୁଳି ଆଡକୁ ଯାଉଥିବା ଟ୍ରଲରଟି ଭାରସ୍ୟାମ ହରାଇ ଏହି ଦୁର୍ଘଟଣାର ସମ୍ମଖୀନ ହୋଇଥିଲା । ଅନେକ ସମୟରେ ଦ୍ରୁତ ଗତିରେ ଏହି ଟ୍ରଲର ଗୁଡିକ ଯିବାଆସିବା କରୁଥିବାରୁ ଏହାପ୍ରତି ଅଙ୍କୁଶ ନଥିବାରୁ ଏହି ଦୁର୍ଘଟଣା ଘଟୁଛି ବୋଲି ସାଧାରଣ ଲୋକ ମତ ଦେଇଛନ୍ତି । ବିଶେଷ ଭାବରେ ଝାଡଖଣ୍ଡରୁ ଚମ୍ପୁଆ ଦେଇ ଲୁହା ପଥର ବୋଝେଇ ପାଇଁ ଯାଉଥିବା ଟ୍ରଲର ଗୁଡିକ ବଜାର ପାର ହେଲେ ଆବଶ୍ୟକ ଠାରୁ ଅଧିକ ଦ୍ରୁତ ଗତିରେ ଯାଉଛନ୍ତି । ଏମାନଙ୍କ ପ୍ରତି ଅଙ୍କୁଶ ନ ଲାଗିଲେ ଆଗକୁ ଦୁର୍ଘଟଣା ବୃଦ୍ଧି ପାଇବ ବୋଲି ସ୍ଥାନୀୟ ବାସିନ୍ଦା ମତ ଦେଇଛନ୍ତି ।
