ଜି. ଉଦୟଗିରି : ଶ୍ରୀରାମପଦାସ୍ଥିତ ଗୁଡ଼୍ ସେଫର୍ଡ଼ ଇଂରାଜୀ ବିଦ୍ୟାଳୟରେ ମାଗଣା ପୋଷାକ ବିତରଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଅନୁସୂଚିତ ଜାତି ଓ ଜନଜାତି ଦ୍ୱାରା ପରିଚାଳିତ ଅନ୍ୱେ୍ୱଷା ଯୋଜନାରେ ପଢୁଥିବା ସମସ୍ତ ଶ୍ରେଣୀର ୧୨୮ ଜଣ ଛାତ୍ରଛାତ୍ରୀଙ୍କୁ ମାଗଣାରେ ବହିପୁସ୍ତକ, ଗୋଟିଏ ସ୍କୁଲ ବ୍ୟାଗ, ଦୁଇ ହଳ ପୋଷାକ, ମୋଜା ସହ ଟାଇ ଓ ବେଲଟ୍ ଏବଂ ପାଠ୍ୟ ଉପକରଣ ବଣ୍ଟନ କରାଯାଇଥିଲା । ଏଥିରେ ମୁଖ୍ୟ ଅତିଥି ଭାବେ ଘୁ.ଉଦୟଗିରି ବିଜ୍ଞାପିତ ଅଂଚଳର କାର୍ଯ୍ୟନିର୍ବାହୀ ଅଧିକାରୀଣୀ ଷଡ଼ଙ୍ଗୀ ଓ ସମ୍ମାନୀତ ଅତିଥି ଭାବେ ଘୁ.ଉଦୟଗିରି ବିଜ୍ଞାପିତ ଅଂଚଳର ଚେୟାରମ୍ୟାନ ଭାନୁପ୍ରଭା ମିଶ୍ର ଯୋଗଦେଇ ପିଲାମାନଙ୍କୁ ଉଚିତ ପରାମର୍ଶ ଦେଇଥିଲେ । ଅଧ୍ୟକ୍ଷ କୁନାଲ ପ୍ରଧାନଙ୍କ ପୌରହିତରେ ଅନୁଷ୍ଠିତ କାର୍ଯ୍ୟକ୍ରମରେ ସଂପାଦିକା ସସ୍ମିତା ନାୟକଙ୍କ ସହ ଅନୁଷ୍ଠାନର ଶିକ୍ଷକ ଶିକ୍ଷୟିତ୍ରୀ ନିରୁପମା ମଲ୍ଲିକ, ସାବିତ୍ରୀ ଡ଼ାକୁଆ, ସସ୍ମିତା ସାହୁ, ସବିତା ପ୍ରଧାନ ଓ ଦିପସି ନାୟକ ପ୍ରମୁଖ ସହଯୋଗ କରିଥିଲେ ।
