ଦଶପଲ୍ଲା :ଦଶପଲ୍ଲା ବ୍ଲକର ନବନିର୍ବାଚିତ ଅଧ୍ୟକ୍ଷା ସୁନନ୍ଦା ସାହୁ ଆନୁଷ୍ଠାନିକ ଭାବରେ ଦ୍ୱିତୀୟ ଥର ପାଇଁ କାର୍ଯ୍ୟଭାର ଗ୍ରହଣ କରିଛନ୍ତି । ସେ କାର୍ଯ୍ୟଭାର ଗ୍ରହଣ କରିବା ପୂର୍ବରୁ ଦଶପଲ୍ଲାର ଆରାଧ୍ୟ ଦେବ ଶ୍ରୀ ଶ୍ରୀ ମହାବୀର ମନ୍ଦିରକୁ ଏକ ବିଶାଳ ଶୋଭାଯାତ୍ରାରେ ଯାଇ ପ୍ରଭୁଙ୍କର କରୁଣା ଭିକ୍ଷାକରିବା ପରେ ଦଶପଲ୍ଲା ଡାକ୍ତରଖାନା ଛକରେ ଥିବା ଭୂମିପୁତ୍ର ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ପ୍ରଦାନ କରିଥିଲେ । ଏହାପରେ ଶତାଧିକ ଦଳୀୟ କର୍ମୀଙ୍କ ଗହଣରେ ଆସି ଦଶପଲ୍ଲା ବ୍ଲକ୍ କାର୍ଯ୍ୟାଳୟରେ ପହଞ୍ଚିଲା ପରେ ଦଶପଲ୍ଲା ଗୋଷ୍ଠୀ ଉନ୍ନୟନ ଅଧିକାରୀ ବିଶ୍ୱରଂଜନ ବିଶ୍ୱାସ ତାଙ୍କୁ ପୁଷ୍ପଗୁଚ୍ଛ ଦେଇ ସ୍ୱାଗତ କରିବା ସହ ପଦ ଓ ଗୋପନୀୟତାର ଶପଥପାଠ କରାଇବା ପରେ ଅଧ୍ୟକ୍ଷଙ୍କ ପାଇଁ ଉଦ୍ଦିଷ୍ଟ କାର୍ଯ୍ୟାଳୟ ଗୃହକୁ ପାଛୋଟି ନେଇଥିଲେ । ଶ୍ରୀମତୀ ସାହୁ କାର୍ଯ୍ୟଭାର ଗ୍ରହଣ କଲାପରେ ତାଙ୍କୁ ପ୍ରତିକ୍ରିୟାରେ କହିଛନ୍ତି ଯେ ଆଦିବାସୀ ବହୁଳ, ବଣପାହାଡ଼ ଘେରା ଦଶପଲ୍ଲା ବ୍ଲକ୍ର ଉନ୍ନତି ପାଇଁ ମୁଁ ବଦ୍ଧପରିକର । ମାନ୍ୟବର ବିଧାୟକଙ୍କ ସହଯୋଗ ଓ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଲୋକାଭିମୁଖୀ କାର୍ଯ୍ୟକ୍ରମ ଯୋଗୁଁ ଦଶପଲ୍ଲାର ଜନସାଧାରଣ ପୁନଶ୍ଚ ମୋ ଉପରେ ଭରଷା କରିଛନ୍ତି । ମୁଁ ସେମାନଙ୍କ ଭରଷାକୁ ଉପଯୁକ୍ତ ସମ୍ମାନ ପ୍ରଦର୍ଶନ ପୂର୍ବକଦଶପଲ୍ଲାର ଉନ୍ନତି ପାଇଁ କାର୍ଯ୍ୟ କରିବି ।
