ପୁରୀ : ବିଳମ୍ବିତ ରାତିରେ ଭଉଣୀ ଘରୁ ଫେରୁଥିବା ବେଳେ ଦୁର୍ଘଟଣା । ପୁରୀ ଜିଲ୍ଲା ଗୋପ ଥାନା ଅଧିନ ଖଡିସ ଠାରେ ଅଜଣା ଗାଡି ଧକ୍କାରେ ଯୁବକଙ୍କ ମୃତ୍ୟୁ । ମୃତ ଯୁବକ ଜଣକ ଛଣିଜଙ୍ଗ, ଖୋରଡ଼ ଗ୍ରାମର ନିରଞ୍ଜନ ନାୟକ । ସେ ପୋଇତାର ଗାଁରେ ତାଙ୍କ ଭଉଣୀ ଘରେ ସୁଦିଘର କାର୍ଯ୍ୟ ସାରି ଫେରୁଥିବା ବେଳେ ଘଟିଥିଲା ଦୁର୍ଘଟଣା ।
ଗୋପ ମେଡିକାଲରେ ଚିକିତ୍ସା ସମୟରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ । ଶବ ସହ ବାଇକ ଜବତ କରି ଗୋପ ପୋଲିସ ତଦନ୍ତ ଚଳାଇଥିବା ବେଳେ ରୋଜଗାରିଆ ପୁଅକୁ ହରାଇ ପରିବାର ଚିନ୍ତାରେ । ଏପର୍ଯ୍ୟନ୍ତ ଧକ୍କା ଦେଇଥିବା ଗାଡିର କୌଣସି ପତ୍ତା ପାଇନାହିଁ ଗୋପ ପୋଲିସ ।
